റായ്പൂര്: ബ്രാഹ്മണര്ക്കെതിരെ അപകീര്ത്തിപരമായ പരാമര്ശം നടത്തിയ ചത്തീസ്ഗഢ് മുഖ്യമന്ത്രി ഭൂപേഷ് ഭാഗേലിന്റെ അച്ഛന് ജാമ്യം. ബ്രാഹ്മണ സമൂഹ സംഘടന നല്കിയ പരാതിയിലാണ് മുഖ്യമന്ത്രിയുടെ പിതാവ് നന്ദകുമാര് ഭാഗേലിനെതിരെ ഡി ഡി നഗര് പൊലിസ് കേസെടുത്തത്. തുടര്ന്ന് കോടതി 15 ദിവസത്തേക്ക് റിമാന്ഡ് ചെയ്യുകയായിരുന്നു. മൂന്ന് ദിവസത്തെ ജയില് വാസത്തിന് ശേഷമാണ് നന്ദകുമാര് ഭാഗേലിന് ജാമ്യം ലഭിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
''ബ്രാഹ്മണര് വിദേശത്തു നിന്ന് കുടിയേറിയവരാണ്. സ്വയം പരിഷ്കരിക്കപ്പെടാന് അവര് തയാറാകേണ്ടതുണ്ട്. അല്ലാത്ത പക്ഷം അവര്ക്ക് ഗംഗയില് നിന്ന് വോള്ഗയിലേക്ക് പോകാവുന്നതാണ്'' എന്നായിരുന്നു നന്ദകുമാര് ബാഗലിന്റെ പരാമര്ശം. ഇതിനെതിരെയാണ് പൊലിസ് നടപടിയെടുത്തത്. പൊതു സമൂഹക്രമത്തെ തകര്ക്കുന്ന ചെയ്തികള് ആരുടെ ഭാഗത്തുനിന്നുണ്ടായാലും അത് ന്യായീകരിക്കാനാവില്ല എന്നായിരുന്നു പിതാവിന്റെ അറസ്റ്റുമായി ബന്ധപ്പെട്ട് മുഖ്യമന്ത്രി ഭൂപേഷ് സിംഗ് ബാഗലിന്റെ പ്രതികരണം. അച്ഛനോട് ബഹുമാനമുണ്ടെന്നും എന്നാല് ആരും നിയമത്തിനതീതരല്ലെന്നും മുഖ്യമന്ത്രി കൂട്ടിച്ചേര്ത്തു.
ഇതിന് മുന്പും ബ്രാഹ്മണര്ക്കെതിരെ അപകീര്ത്തികരമായ പരാമര്ശം നടത്തിയാളാണ് നന്ദകുമാര് ഭാഗേല്. ബ്രാഹ്മണര്ക്കെതിരെ നന്ദകുമാര് ഭാഗേല് എഴുതിയ ബുക്ക് അജിത് യോഗി സര്ക്കാര് നിരോധിച്ചിരുന്നു.