ക്രിസ്ത്യന് പെണ്കുട്ടികളെ തട്ടിക്കൊണ്ടുപോകുന്നതിനായി ഈഴവരായ ചെറുപ്പക്കാര്ക്ക് സ്ട്രാറ്റജിക്കായ പദ്ധതികള് ആവിഷ്കരിച്ച് പരിശീലനം കൊടുക്കുന്നുണ്ടെന്ന് സിറിയന് കത്തോലിക്ക വൈദികനും ദീപിക ബാലസഖ്യം ഡയറക്ടറുമായ ഫാ. റോയി കണ്ണന്ചിറ. ചങ്ങനാശേരി അതിരൂപതയ്ക്ക് കീഴിലെ സണ്ഡേ സ്കൂള് അദ്ധ്യാപകര്ക്കായി നടത്തിയ പരിശീലന പരിപാടിയിലാണ് ഈഴവ ഗൂഢ പദ്ധതിയേക്കുറിച്ച് ഫാ. റോയി കണ്ണന്ചിറ ആരോപണം ഉന്നയിച്ചത്.
കോട്ടയത്തെ ഒരു സിറോ മലബാര് ഇടവകയില് നിന്ന് ഒമ്പതു പെണ്കുട്ടികളെ ഒരു മാസത്തിനിടെ പ്രണയിച്ചുക്കൊണ്ടുപോയത് ഈഴവരാണ്. ഇതിനായി ഈഴവരായ ചെറുപ്പക്കാര്ക്ക് സ്ട്രാറ്റജിക്കായ പദ്ധതികള് ആവിഷ്കരിച്ച് പരിശീലനം കൊടുക്കുന്നുണ്ട്. ശത്രുക്കളുടെ മുന്നൊരുക്കത്തിന്റെ പത്തിലൊന്ന് പോലും നമുക്ക് ഒരുക്കാന് കഴിയുന്നില്ല’ എന്നുമാണ് ഫാദര് റോയി കണ്ണന്ചിറ ക്ലാസില് പറഞ്ഞത്.
നേരത്തെയും ഈഴവര് കൃസ്ത്യന് പെണ്കുട്ടികളെ വശീകരിച്ചു മതം മാറ്റുന്നുവെന്ന് കത്തോലിക്കാ വൈദികര് ആരോപിച്ചിരുന്നു. അന്ന് വിവാദ പ്രസ്താവന നടത്തിയ ഇടുക്കി ബിഷപ്പ് മാര് മാത്യു ആനിക്കുഴിക്കാട്ടിലിന്റെ പൂര്വികര് ഈഴവരാണെന്നും ബിഷപ്പിനെ കണ്ടാല് എം.എം.മണിയുടെ ചേട്ടനാണെന്ന് തോന്നുമെന്നും വെള്ളാപ്പള്ളി അന്ന് തിരിച്ചടിച്ചത് വലിയ വിവാദവുമായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കേരളത്തില് ലവ് ജിഹാദ്, നാര്ക്കോട്ടിക് ജിഹാദ് ആരോപണം ശക്തമാകുന്നതിനിടെയാണ് കത്തോലിക്കാ വൈദികരുടെ ഭാഗത്തുനിന്നും വീണ്ടും വിദ്വേഷ പ്രചാരണം ഉണ്ടാകുന്നത്. നാര്കോട്ടിക് ജിഹാദിലൂടെ ക്രൈസ്തവ പെണ്കുട്ടികളെ മതം മാറ്റുകയും തട്ടിയെടുക്കുകയും ചെയ്യുന്നുവെന്ന പാലാ രൂപത മെത്രാന് മാര് ജോസഫ് കല്ലറങ്ങാട്ടിന്റെ പ്രസ്താവന സൃഷ്ടിച്ച അസ്വസ്ഥതകള് ഇനിയും കെട്ടടങ്ങിയിട്ടില്ല.
