കൊവിഡ്-19 ന്റെ പശ്ചാത്തലത്തിൽ സാമൂഹ്യ അകലം പാലിച്ച് കേന്ദ്ര മന്ത്രിസഭാ യോഗം. പ്രധാനമന്ത്രിയുടെ അധ്യക്ഷതയിൽ ചേർന്ന യോഗമാണ് മാതൃകാ പരമായ രീതിയിൽ അകലം പാലിച്ച് ശ്രദ്ധേയമായത്. ഒരു മീറ്റർ അകലം പാലിച്ചാണ് പ്രധാനമന്ത്രിക്കും മറ്റ് ക്യാബിനറ്റ് മന്ത്രിമാർക്കും ഇരിപ്പിടം ഒരുക്കിയത്. വ്യക്തികൾ തമ്മിൽ അകലം പാലിക്കുന്നതിന്റെ പ്രാധാന്യം ജനങ്ങളിൽ എത്തിക്കുന്നതിന്റെ ഭാഗമായാണ് യോഗം ഇത്തരത്തിൽ ക്രമീകരിച്ചത്.
സമ്പൂർണ ലോക്ഡൗൺ പ്രഖ്യാപിച്ചതിന് ശേഷമുള്ള ആദ്യത്തെ കേന്ദ്ര മന്ത്രിസഭായോഗമാണിത്. കോവിഡ്-19 പ്രതിരോധ പ്രവർത്തനങ്ങൾ യോഗം ചർച്ച ചെയ്തു. നിലവിലെ രാജ്യത്തെ സാഹചര്യവും വിലയിരുത്തി. വിവിധ സംസ്ഥാനങ്ങളിലെ സ്ഥിതിഗതികൾ യോഗം ചർച്ച ചെയ്തു. പ്രതിസന്ധി രൂക്ഷമായാൽ കൈക്കൊള്ളേണ്ട നടപടികൾ ചർച്ച ചെയ്തു. ലോക്ഡൗൺ കർശനമായി നടപ്പാക്കാൻ വിവിധ സർക്കാർ വകുപ്പകളോട് ആവശ്യപ്പെടും
