കൊച്ചി: കെ പി സി സി പ്രസിഡന്റ് കെ സുധാകരന് തന്നെ കാണാന്‍ വന്നത് ചികിത്സയുടെ ആവശ്യത്തിനുതന്നെയാണെന്ന് സാമ്പത്തിക തട്ടിപ്പുകേസില്‍ അറസ്റ്റിലായ മോന്‍സന്‍ മാവുങ്കലിന്റെ മൊഴി. സുധാകരന് തന്റെ വീട്ടില്‍ താമസിക്കാറില്ലെന്നും ചികിത്സ കഴിഞ്ഞ് അന്നുതന്നെ അദ്ദേഹം മടങ്ങിപ്പോകാറുണ്ടെന്നും മോന്‍സന്‍ പ്രത്യേക അന്വേഷണ സംഘത്തിന് മൊഴി നല്‍കി. മോന്‍സന്‍ മാവുങ്കലിന്റെ തട്ടിപ്പിന് കെ സുധാകരന് ഒത്താശ ചെയ്തുവെന്നാണ് പരാതിക്കാരനായ അനൂപിന്റെ ആരോപണം. മോന്‍സന്റെ വീട്ടില്‍ വച്ച് സുധാകരന്റെ സാന്നിദ്ധ്യത്തില്‍ 25 ലക്ഷം രൂപ കൈമാറിയെന്നാണ് അനൂപ് ക്രൈംബ്രാഞ്ചിന് നല്‍കിയ മൊഴി.
മോന്‍സന്‍ മാവുങ്കലുമായി തനിക്ക് ബന്ധമുണ്ടെന്നും. ഒരു ഡോക്ടറെന്ന നിലയില്‍ ചികിത്സക്കുവേണ്ടി കാണുകയും സംസാരിക്കുകയും ചെയ്തിട്ടുണ്ടെന്നും കെ സുധാകരന് നേരത്തെ വെളിപ്പെടുത്തിയിരുന്നു. സാമ്പത്തിക തട്ടിപ്പിനെക്കുറിച്ച് ഒന്നുമറിയില്ല. താന്‍ ഇടനിലനിന്നുവെന്നു പറയുന്ന ആരോപണം അടിസ്ഥാന രഹിതമാണ് എന്നും അദ്ദേഹം പറഞ്ഞു. ഒരു കാര്യത്തിലും താന്‍ ഇടനിലനിന്നിട്ടില്ല. ഈ പരാതിക്കാരനെ അറിയില്ല. കെട്ടിചമച്ച പരാതിയുമായി തന്നെ ചിലര്‍ വേട്ടയാടുകയാണ്. തനിക്കെതിരായ ആരോപണത്തിനുപിന്നിലെ ബുദ്ധികേന്ദ്രം മുഖ്യമന്ത്രി പിണറായി വിജയന്റെ ഓഫിസാണെന്ന് സംശയിക്കുന്നതായും സുധാകരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യു
അതേസമയം, മോന്‍സന്‍ മാവുങ്കലിന്റെ ജാമ്യാപേക്ഷ കോടതി തളളി. സാമ്പത്തിക, ഭൂമി തട്ടിപ്പുകേസുകളിലെ ജാമ്യാപേക്ഷയാണ് കൊച്ചി എസിജെഎം കോടതി തളളിയത്. മോന്‍സനെതിരെ ക്രിമിനല്‍ കേസുകളുണ്ടെന്നും ജാമ്യം അനുവദിക്കരുതെന്നുമുളള പ്രൊസിക്ക്യൂഷന്‍ വാദം കോടതി അംഗീകരിച്ചു. മോന്‍സനെ തുടരന്വേഷണങ്ങള്‍ക്കും ചോദ്യം ചെയ്യലിനുമായി ക്രൈംബ്രാഞ്ച് വീണ്ടും കസ്റ്റഡിയില്‍ വാങ്ങും.
