ഡല്ഹി: അനീതിക്കെതിരെയുള്ള കര്ഷകരുടെ വിജയമാണ് നിയമങ്ങള് പിന്വലിക്കാനുള്ള കേന്ദ്ര സര്ക്കാരിന്റെ തീരുമാനമെന്ന് കോണ്ഗ്രസ് നേതാവ് രാഹുല് ഗാന്ധി. രാജ്യത്തെ അന്നദാതാക്കള് സത്യാഗ്രഹത്തിലൂടെ അഹങ്കാരികളുടെ തലകുനിപ്പിച്ചുമെന്നും രാഹുല് ഗാന്ധി പറഞ്ഞു. കഴിഞ്ഞ ഒരു വര്ഷമായി കര്ഷകര് നടത്തിയ പോരാട്ടങ്ങളുടെ വിജയമാണിതെന്നും അനീതിക്കെതിരായ ഈ വിജയത്തിന് അഭിനന്ദനങ്ങളെന്നും രാഹുല് ഗാന്ധി ട്വീറ്റ് ചെയ്തു.
പ്രധാനമന്ത്രിയുടെ വൈകി വന്ന വിവേകമാണെന്ന് മുന് കേന്ദ്ര മന്ത്രി എ കെ ആന്റണി പ്രതികരിച്ചു. കാര്ഷിക നിയമം പിന്വലിച്ചത് നിവൃത്തിയില്ലാതെയാണ് പ്രതിപക്ഷ നേതാവ് വി ഡി സതീശന് പറഞ്ഞു. പ്രധാനമന്ത്രിയുടെ പുതിയ നീക്കം രാഷ്ട്രീയ ലക്ഷ്യം വെച്ചുള്ളതാണെന്ന് എ ഐ സി സി ജനറല് സെക്രട്ടറി കെ സി വേണുഗോപാലും അഭിപ്രായപ്പെട്ടു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
വിവാദമായ മൂന്ന് കാര്ഷിക നിയമങ്ങളാണ് കേന്ദ്ര സര്ക്കാര് പിന്വലിക്കാന് തീരുമാനിച്ചിരിക്കുന്നത്. പാര്ലമെന്റ് സമ്മേളത്തില് ഇക്കാര്യം അറിയിക്കുമെന്നും ഈ മാസം അവസാനത്തോടെ നിയമങ്ങള് പൂര്ണ്ണമായും ഇല്ലാതാവുമെന്നും പ്രധാനമന്ത്രി നരേന്ദ്രമോദി പറഞ്ഞു. രാജ്യത്തെ ഭൂരിഭാഗം കര്ഷകരും ദരിദ്രരാണെന്നും അവരുടെ വേദന മനസിലാക്കുന്നുവെന്നും പ്രധാനമന്ത്രി പറഞ്ഞു. ഇന്ന് രാവിലെ രാജ്യത്തെ അഭിസംബോധന ചെയ്ത് നടത്തിയ പ്രസംഗത്തിലാണ് കാര്ഷിക നിയമങ്ങള് പിന്വലിക്കുകയാണെന്ന് നരേന്ദ്രമോദി പ്രഖ്യാപിച്ചത്. കാർഷിക വിവാദ നിയമങ്ങള് ക്കെതിരായ കർഷകരുടെ പ്രതിഷേധം ഒരു വർഷം പൂർത്തിയാക്കാനിരിക്കെയാണ് കേന്ദ്രത്തിന്റെ നടപടി.
