ആലുവ: നിയമവിദ്യാര്ഥിനി മോഫിയ പര്വീണ് ആത്മഹത്യ ചെയ്ത കേസിലെ പ്രതികളെ എട്ടാം തിയതിവരെ റിമാന്ഡ് ചെയ്തു. കസ്റ്റഡി കാലാവധി പൂർത്തിയാക്കിയ ശേഷം ആലുവ മജിസ്ട്രേറ്റ് കോടതിയിൽ ഹാജരാക്കിയപ്പോഴാണ് നടപടി. മോഫിയയുടെ ഭര്ത്താവ് സുഹൈലിനെയും മാതാപിതാക്കളെയുമാണ് കോടതി റിമാന്ഡ് ചെയ്തിരിക്കുന്നത്. പ്രതികൾ സെഷൻസ് കോടതിയിൽ ജാമ്യാപേക്ഷ നൽകിയിട്ടുണ്ട്.
അതേസമയം, ഭർത്താവിന്റെ വീട്ടിൽ മോഫിയ പർവീണ് നേരിട്ടത് കൊടിയ പീഡനമാണെന്ന് റിമാൻഡ് റിപ്പോർട്ടിയില് പറയുന്നു. പെൺകുട്ടിയെ മാനസിക രോഗിയായി മുദ്രകുത്താൻ ശ്രമം നടന്നുവെന്നും ഭർത്താവ് സുഹൈൽ ലൈംഗീക വൈകൃതങ്ങൾക്ക് അടിമയാണെന്നും റിപ്പോർട്ടിലുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
40 ലക്ഷം രൂപ സ്ത്രീധനമായി സുഹൈലും വീട്ടുകാരും ആവശ്യപ്പെട്ടിരുന്നുവെന്നും പണം നല്കാത്തതിനെ തുര്ന്നാണ് പീഡനം തുടര്ന്നതെന്നും റിപ്പോര്ട്ടിലുണ്ട്. മൊഫിയ പുറത്ത് പറയാന് പറ്റാത്ത രീതിയിലുള്ള പീഡനം നേരിട്ടിരുന്നതായി മരണത്തിന് പിന്നാലെ കൂട്ടുകാരും വെളിപ്പെടുത്തിയിരുന്നു. സുഹൈലിന് പുറമെ മാതാവ് റുഖിയയും ഉപദ്രവിച്ചെന്നാണ് റിമാൻഡ് റിപ്പോർട്ടിൽ പറയുന്നത്.