രാജ്യത്ത് ലോക്ക് ഡൗണ് നീട്ടാന് തീരുമാനമില്ലന്ന് കേന്ദ്ര കാബിനറ്റ് സെക്രട്ടറി. നീട്ടുമെന്ന വാര്ത്തകള് അത്ഭുതപ്പെടുത്തുന്നതെന്നും രാജീവ് ഗൗബ പറഞ്ഞു. '21 ദിവസത്തിനു ശേഷം ലോക്ഡൗണ് നീട്ടുമെന്നാണ് പലരും പ്രചരിപ്പിക്കുന്നത്. ഇത്തരത്തിൽ ഒരു ആലോചനകളും നടക്കുന്നില്ല'- അദ്ദേഹം വ്യക്തമാക്കി. വൈറസ് വ്യാപനത്തിന്റെ ചെയിന് മുറിക്കാനാണ് 21 ദിവസത്തെ ലോക്ഡൗണ് പ്രധാനമന്ത്രി നരേന്ദ്ര മോദി പ്രഖ്യാപിച്ചത്. അതെല്ലാവരും കൃത്യമായി പാലിക്കുക. വീടുകളില് തന്നെ തുടരുക.
അതേസമയം, രാജ്യത്ത് കൊറോണ വൈറസ് ബാധിതരുടെ എണ്ണം 1,024 ആയി. അതിനിടെ മഹാരാഷ്ട്രയിൽ 12 പേരിൽ കൂടി പുതുതായി വൈറസ് ബാധ സ്ഥിരീകരിച്ചു. ഇതോടെ സംസ്ഥാനത്ത് രോഗബാധിതരുടെ എണ്ണം 215 ആയി. 28 പേരാണ് ഇതുവരെ മരിച്ചത്. ബംഗാളില് ഇന്ന് ഒരു മരണം കൂടിയുണ്ട്. കോവിഡ് രോഗം ഏറ്റവും കൂടുതൽ റിപ്പോര്ട്ട് ചെയ്തിട്ടുള്ളത് മഹാരാഷ്ട്രയിലും കേരളത്തിലുമാണ്.