വഖഫ് ബോര്ഡ് പി എസ് സി നിയമന വിവാദത്തില് മുഖ്യമന്ത്രിക്കെതിരെ വിമര്ശനവുമായി കോണ്ഗ്രസ് നേതാവും എം എല് എയുമായ കെ ബാബു. വിവാദ കാര്ഷിക നിയമങ്ങള് പ്രധാനമന്ത്രി മോദി പിന്വലിച്ചത് പോലെ വിവേചനപരയമായ ഈ തീരുമാനം പിണറായി വിജയന് ഉപേക്ഷിക്കേണ്ടിവരുമെന്ന് കെ ബാബു ഫേസ്ബുക്കില് കുറിച്ചു.
ഫേസ്ബുക്ക് കുറിപ്പിന്റെ പൂര്ണരൂപം
വഖഫ് ബോർഡ് നിയമനം പി.എസ്.സിക്ക് വിടാൻ പിടിവാശിയില്ല:
മുഖ്യമന്ത്രിയുടേത് പൊള്ളയായ വാദം.
• ദേവസ്വം റിക്രൂട്ട്മെന്റ് ബോർഡ് പോലെ വഖഫ് റിക്രൂട്ട്മെന്റ് ബോർഡ് വേണമെന്ന് നിയമ സഭയിൽ പ്രതിപക്ഷം ഉന്നയിച്ചിട്ട് മന്ത്രിയോ ഭരണപക്ഷമോ ചെവിക്കൊണ്ടില്ല.
• നിയമസഭയിൽ വോട്ടെടുപ്പ് നടത്താതെ ബില്ല് പാസാക്കി
• പ്രതിപക്ഷത്തിന്റെ എതിർപ്പ് വകവെച്ചില്ല
• ബില്ല് പാസാക്കിക്കഴിഞ്ഞ് ലഡു വിതരണം ചെയ്ത് ആഘോഷം
• പ്രതിഷേധവുമായി സംഘടനകൾ വന്നപ്പോൾ വിശദമായ ചർച്ചയ്ക്ക് മുഖ്യമന്ത്രി തയാർ
കാർഷിക നിയമങ്ങൾ കേന്ദ്രം പിൻവലിച്ച പോലെ വിവേചനപരമായ ഈ തീരുമാനം മുഖ്യമന്ത്രിക്കും ഉപേക്ഷിക്കേണ്ടിവരും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
