കൊച്ചി: പെട്രോളിയം ഉത്പന്നങ്ങളെ ജിഎസ്ടി പരിധിയില് ഉള്പ്പെടുത്താനാകില്ലെന്ന് ഹൈക്കോടതിയെ അറിയിച്ച് ജി എസ് ടി കൗണ്സില്. ഉത്പന്നങ്ങളെ ജിഎസ്ടി പരിധിയില് കൊണ്ടുവരേണ്ടതില്ലെന്ന് കൗണ്സില് ഏകകണ്ഠേന നിലപാട് സ്വീകരിക്കുകയായിരുന്നു. പെട്രോളിയം ഉത്പന്നങ്ങള് പ്രധാനവരുമാനമാന സ്രോതസ്സായതിനാല് ജിഎസ്ടി പരിധിയില് ഉള്പ്പെടുത്താനാകില്ലെന്ന് കാണിച്ചാണ് കൗണ്സില് ഹൈക്കോടതിയില് സത്യവാങ്മൂലം നല്കിയിരിക്കുന്നത്.
കേന്ദ്ര-സംസ്ഥാന സര്ക്കാരുകളുടെ പ്രധാന വരുമാന സ്രോതസാണ് പെട്രോളിയം നികുതിയെന്ന് കേന്ദ്രസര്ക്കാര് സത്യവാങ്മൂലത്തില് ചൂണ്ടി. ഇതേ നിലപാട് ജിഎസ്ടി കൗണ്സില് നേരത്തെയും ഹൈക്കോടതിയെ അറിയിച്ചിരുന്നു. എന്നാല് ഹൈക്കോടതി ഇതില് തൃപ്തരായിരുന്നില്ല. കഴിഞ്ഞ ജിഎസ്ടി കൗണ്സിലിന്റെ യോഗ തീരുമാനങ്ങള് കൃത്യമായി വിശദീകരിച്ച് സത്യവാങ്മൂലത്തിന്റെ രൂപത്തില് നല്കണമെന്ന് കോടതി ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് ഇന്ധന നികുതി ജിഎസ്ടിയില് ഉള്പ്പെടുത്താന് കഴിയില്ലെന്ന് വ്യക്തമാക്കി ജി എസ് ടി കൗണ്സില് കഴിഞ്ഞ ദിവസം ഹൈക്കോടതിയില് സത്യവാങ്മൂലം നല്കിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നികുതി വിഷയങ്ങളില് അന്തിമ തീരുമാനം ജിഎസ്ടി കൗണ്സിലാണ് സ്വീകരിക്കുക. വിഷയം അവിടെ ചര്ച്ച ചെയ്യുമെന്നും കേന്ദ്രസര്ക്കാര് ഹൈക്കോടതിയെ അറിയിച്ചു. തുടര്ന്ന് ജിഎസ്ടി കൗണ്സിലില് ഈ വിഷയം ചര്ച്ചയായെങ്കിലും കേരളമടക്കമുള്ള സംസ്ഥാനങ്ങളെല്ലാം പെട്രോളിയം ഉത്പന്നങ്ങളെ ജിഎസ്ടിയില് ഉള്പ്പെടുത്തുന്നതിനെ എതിര്ക്കുകയാണുണ്ടായത്.