തിരുവനന്തപുരം: സ്വര്ണ്ണക്കടത്തുകേസില് സസ്പെന്ഷനിലായ മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കറിനെ തിരിച്ചെടുക്കാന് ശുപാര്ശ. ശിവശങ്കറിന്റെ സസ്പെന്ഷന് കാലാവധി അവസാനിച്ചതോടെയാണ് ചീഫ് സെക്രട്ടറി അധ്യക്ഷനായ ഉന്നതതല സമിതി ശിവശങ്കറിനെ തിരിച്ചെടുക്കാന് ശുപാര്ശ നല്കിയിരിക്കുന്നത്. ശിവശങ്കറിനെ തിരിച്ചെടുക്കുന്ന വിഷയത്തില് അന്തിമ തീരുമാനം മുഖ്യമന്ത്രിയുടേതായിരിക്കും.
നയതന്ത്രചാനല് വഴിയുളള സ്വര്ണ്ണക്കടത്തുകേസിലെ പ്രതികളുമായുളള അടുപ്പവും കേസിലെ മുഖ്യപ്രതികളിലൊരാളായ സ്വപ്നാ സുരേഷിന്റെ നിയമനവുമടക്കമുളള വിവരങ്ങള് പുറത്തുവന്നതോടെയാണ് എം ശിവശങ്കരനെ സസ്പെന്ഡ് ചെയ്തത്. 2020 ജൂലൈ 16-നായിരുന്നു സസ്പെന്ഷന്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തുടര്ന്ന് എന്ഫോഴ്സ്മെന്റ് ഡയറക്ടറേറ്റും കസ്റ്റംസും നടത്തിയ അന്വേഷണത്തില് ശിവശങ്കര് കുറ്റക്കാരനെന്ന് തെളിയുകയും അറസ്റ്റ് ചെയ്യുകയും ചെയ്തു. പിന്നീട് 98 ദിവസമാണ് ശിവശങ്കര് ജയിലില് കഴിഞ്ഞത്. സ്വര്ണക്കടത്ത് കേസിലും ലൈഫ് മിഷന് അഴിമതിക്കേസിലും പ്രതിയാണ് ശിവശങ്കര്.
