കൊച്ചി: നടന് ദിലീപിനെതിരായ പുതിയ വെളിപ്പെടുത്തലിന്റെ അടിസ്ഥാനത്തില് പുനരന്വേഷണത്തിന് കോടതി ഉത്തരവ്. സംവിധായകന് ബാലചന്ദ്ര കുമാറിന്റെ പുതിയ വെളിപ്പെടുത്തലുകളുടെ നിജസ്ഥിതി അന്വേഷിച്ച് ജനുവരി 20 - ന് മുന്പ് റിപ്പോര്ട്ട് സമര്പ്പിക്കാനാണ് കോടതി ഉത്തരവിട്ടിരിക്കുന്നത്. വിചാരണ നിര്ത്തി തുടരന്വേഷണം വേണമെന്ന പ്രോസിക്യൂഷന്റെ ഹര്ജി ഈ മാസം 20ന് പരിഗണിക്കും. സ്പെഷ്യല് പ്രോസിക്യൂട്ടറുടെ അഭാവത്തിലാണ് ഹര്ജി പരിഗണിക്കുന്നത് മാറ്റിവെച്ചത്.
കേസ് പരിഗണിക്കുന്ന കോടതിയുടെ നടപടിയില് പ്രതിഷേധിച്ചാണ് സ്പെഷ്യല് പ്രോസിക്യൂട്ടര് വി എൻ അനിൽ കുമാർ രാജി വെച്ചത്. കക്ഷിയെ വിസ്തരിക്കാൻ അനുവദിക്കുന്നില്ലെന്നും കോടതി പ്രതിക്ക് അനൂകുലമായി നിലപാടെടുക്കുന്നുവെന്നും ആയിരുന്നു പ്രോസിക്യൂട്ടറിന്റെ ആരോപണം. വിചാരണ കോടതിയുടെ നടപടിക്കെതിരെ ഹൈക്കോടതിയില് അപ്പീല് നല്കിയിട്ടുണ്ട്. കേസ് ഹൈക്കോടതിയുടെ പരിഗണനയിലാണ്.
കേസിലെ മുഖ്യപ്രതി പള്സര് സുനിയുമായി ദിലീപിന് ബന്ധമുണ്ടെന്നായിരുന്നു ബാലചന്ദ്രകുമാറിന്റെ ആരോപണം. ഇതിന്റെ അടിസ്ഥാനത്തില് ബാലചന്ദ്ര കുമാറിന്റെ മൊഴി അന്വേഷണ സംഘം കഴിഞ്ഞ ദിവസം രേഖപ്പെടുത്തിയിരുന്നു. ഉദ്യോഗസ്ഥര്ക്ക് മുമ്പാകെ എറണാകുളത്തെത്തിയാണ് ബാലചന്ദ്ര കുമാര് മൊഴി രേഖപ്പെടുത്തിയത്. നടിയെ ആക്രമിച്ചതിന്റെ ദൃശ്യങ്ങള് ദിലീപിന് ജാമ്യത്തിലിറങ്ങിയപ്പോള് തന്നെ ലഭിച്ചിരുന്നു. ദിലീപും ദിലീപിന്റെ സഹോദരന് അനൂപും സഹോദരിയുടെ ഭര്ത്താവ് സുരാജും ഉള്പ്പെടെയുള്ളവര് അത് കാണുന്നതിന് താന് സാക്ഷിയായി. പൊലീസിന്റെ കൈവശമുണ്ടായിരുന്ന ദൃശ്യങ്ങളുടെ പകര്പ്പായിരുന്നു ഇത്. ഏതാണ്ട് ഏഴിലേറെ ക്ലിപ്പുകള് അടങ്ങുന്നതാണ് ഈ ദൃശ്യങ്ങളെന്നുമായിരുന്നു ബാലചന്ദ്രകുമാറിന്റെ വെളിപ്പെടുത്തല്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ദിലീപിനെതിരെ തുടരന്വേഷണം ആവശ്യപ്പെട്ട് മുഖ്യമന്ത്രി പിണറായി വിജയന് ആക്രമിക്കപ്പെട്ട നടി കഴിഞ്ഞ ദിവസം കത്ത് നല്കിയിരുന്നു. സംവിധായകന് ബാലചന്ദ്രകുമാറിന്റെ വെളിപ്പെടുത്തലില് അന്വേഷണം വേണമെന്നും രണ്ടാമത്തെ പബ്ലിക്ക് പ്രോസിക്യൂട്ടറും കേസില് നിന്ന് പിന്മാറിയതില് ആശങ്കയുണ്ടെന്നുമാണ് നടി കത്തില് വ്യക്തമാക്കിയത്.