ഡല്ഹി: നിസാമുദ്ദീന് തബലീഗ് സമ്മേളനത്തില് പങ്കെടുത്തവരില് 151-പേര്ക്ക് ഇതിനകം കൊവിഡ്-19 സ്ഥിരീകരിച്ചതായി റിപ്പോര്ട്ട്. ഉത്തരേന്ത്യയിലടക്കം വിവിധ സംസ്ഥാനങ്ങളില് നിന്നുള്ളവര്ക്കാണ് രോഗം സ്ഥിരീകരിച്ചത്. ദക്ഷിണേന്ത്യയിലെ കണക്ക് ഇപ്രകാരമാണ്. തമിഴ്നാട്- 80 ,തെലങ്കാന -15, ആന്ധ്രാപ്രദേശ് - 4 , പുതുച്ചേരി-2. സമ്മേളനത്തില് പങ്കെടുത്തവര് ഉടന് ആരോഗ്യ വകുപ്പിനെ വിവരമറിയിക്കണമെന്ന് ഡല്ഹിയും മറ്റ് സംസ്ഥാനങ്ങളും ആവശ്യപ്പെട്ടിട്ടുണ്ട്. ആരും വിവരങ്ങള് മറച്ചു വെക്കരുതെന്നും സത്യസന്ധമായ വിവരങ്ങള് ആരോഗ്യപ്രവര്ത്തകരെ അറിയിക്കണമെന്നും കേരളവും ആവശ്യപ്പെട്ടിട്ടുണ്ട്.
സമ്മേളനത്തില് പങ്കെടുത്ത 400-ലധികം പേര്ക്ക് കൊറോണാ ബാധയുള്ളതായാണ് സംശയിക്കപ്പെടുന്നത്.1000൦-ത്തോളം പേര് ഇതിനകം നിരീക്ഷണത്തിലേക്ക് മാറിയിട്ടുണ്ട്.പങ്കെടുത്ത വിദേശ പ്രതിനിധികളുള്പ്പെടെ എല്ലാവരെയും നിരീക്ഷണത്തില് കൊണ്ടുവരാനും സ്രവ പരിശോധന നടത്താനും കേന്ദ്ര ആഭ്യന്തര മന്ത്രാലയം നിര്ദ്ദേശിച്ചിട്ടുണ്ട്.മാര്ച്ച് 13-നാണ് ഡല്ഹിക്കടുത്തുള്ള നിസാമുദ്ദീനില് തബലീഗ് ജമാഅത്തിന്റെ സമ്മേളനം നടന്നത്.വിവിധ വിദേശ രാജ്യങ്ങളില് നിന്നുള്ള പ്രതിനിധികളടക്കം 8000-ത്തോളം പേര് സമ്മേളനത്തില് പങ്കെടുത്തിട്ടുണ്ട് എന്നാണ് നടത്തിപ്പ് ചുമതല നിര്വഹിച്ച മര്ക്കസ് അധികൃതരുടെ നിഗമനം.