കൊച്ചി: കൊച്ചിയിലെ കൊതുകുശല്യത്തിനെതിരെ നടപടിയെടുക്കാത്ത കൊച്ചി കോര്പ്പറേഷനെ വിമര്ശിച്ച് നടന് വിനയ് ഫോര്ട്ട്. ഫേസ്ബുക്ക് പോസ്റ്റിലൂടെയാണ് വിനയ് ഫോര്ട്ട് കൊച്ചി നഗരവാസികള്ക്കായി ശബ്ദമുയര്ത്തിയിരിക്കുന്നത്. 'ഇതുവരെ പരിഹരിക്കപ്പെടാതെപോയ ഗുരുതര പ്രശ്നം. ഞങ്ങളെ രക്ഷിക്കൂ'- എന്ന തലക്കെട്ടോടുകൂടിയാണ് വിനയ് ഫോര്ട്ട് പോസ്റ്റ് ഷെയര് ചെയ്തിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രക്തം കുടിക്കുന്ന കൊതുകിന്റെ കാര്ട്ടൂണിനൊപ്പം 'ജനങ്ങള് ഉറങ്ങാത്ത കൊച്ചി, ഉറങ്ങുന്ന കോര്പ്പറേഷന്. അധികാരികള് കണ്ണുതുറക്കുക' എന്നാണ് വിനയ് ഫോര്ട്ട് പങ്കുവെച്ച പോസ്റ്ററിലെഴുതിയിരിക്കുന്നത്. കൊച്ചിയിലെ കൊതുകുശല്യം കാലങ്ങളായി നഗരവാസികള് അനുഭവിക്കുന്ന പ്രശ്നമാണ്. പ്രശ്നത്തില് കൊച്ചി നഗരസഭ ഇടപെടുന്നില്ലെന്നും പരിഹാരം കാണുന്നില്ലെന്നും വ്യാപക വിമര്ശനങ്ങളാണ് ഉയര്ന്നുവരുന്നത്.