കൊച്ചി: അന്വേഷണ ഉദ്യോഗസ്ഥരെ വധിക്കാന് ഗൂഡാലോചന നടത്തിയ കേസില് നടന് ദിലീപിനോട് ഫോണ് ഹാജരാക്കണമെന്ന് ഉത്തരവിട്ട് ഹൈക്കോടതി. അന്വേഷണ ഉദ്യോഗസ്ഥര്ക്ക് ഫോണ് കൈമാറാനാണ് കോടതി ഉത്തരവിട്ടിരിക്കുന്നത്. എന്തുകൊണ്ടാണ് ദിലീപ് ഫോണ് കൈമാറാത്തതെന്നും ഇത് ശരിയായ നടപടി അല്ലെന്നും അന്വേഷണവുമായി സഹകരിച്ചില്ലെങ്കില് മുന്കൂര് ജാമ്യാപേക്ഷ തള്ളുമെന്നും കോടതി മുന്നറിയിപ്പ് നല്കി. ഫോണ് ഇന്ന് തന്നെ കൈമാറണമെന്ന് നിര്ദ്ദേശം നല്കിയ കോടതി കേസ് പരിഗണിക്കുന്നത് ശനിയാഴ്ച്ചത്തേക്ക് മാറ്റി. സംസ്ഥാന സര്ക്കാര് നല്കിയ ഉപഹര്ജി പരിഗണിക്കുന്നതിനടയിലാണ് കോടതി ഫോണ് ഹാജരാക്കാത്തത്തിലുള്ള അതൃപ്തി രേഖപ്പെടുത്തിയത്.
ഫോണ് അന്വേഷണ ഉദ്യോഗസ്ഥര്ക്ക് കൈമാറാന് സാധിക്കില്ലെന്നായിരുന്നു ദിലീപ് ഹൈക്കോടതിയെ അറിയിച്ചത്. തന്റെ മുൻ ഭാര്യ മഞ്ജുവാര്യരുമായും കുടുംബാംഗങ്ങളുമായും അഭിഭാഷകരുമായിട്ടുള്ള സ്വകാര്യസംഭാഷണങ്ങൾ ഫോണിലുണ്ട്. അന്വേഷണസംഘം ആ വിവരങ്ങള് ദുരുപയോഗം ചെയ്താൽ അത് തന്റെ സ്വകാര്യതയെ ബാധിക്കുമെന്നുമാണ് ദിലീപ് വാദിച്ചത്. അന്വേഷണ ഉദ്യോഗസ്ഥരെ വിശ്വാസമില്ലെങ്കില് ഫോണുകള് ഹൈക്കാടതി രജിസ്്ട്രാര് ജനറലിന് നല്കിക്കൂടേയെന്നും കോടതി ചോദിച്ചു. ദിലീപ് കേസ് അന്വേഷണവുമായി സഹകരിക്കുന്നില്ലെന്നും ഫോണ് ഹാജരാക്കാത്തതില് ദുരൂഹതയുണ്ടെന്നും ചൂണ്ടിക്കാട്ടിയാണ് സര്ക്കാര് ഉപഹര്ജി നല്കിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഫോണുകള് ഹാജരാക്കണമെന്ന് അന്വേഷണ ഉദ്യോഗസ്ഥര് നേരത്തെയും ദിലീപിനോട് ആവശ്യപ്പെട്ടിരുന്നു. എന്നാല് പഴയ ഫോണിന് പകരം പുതിയ ഫോണുകള് നല്കി ദിലീപ് അന്വേഷണ സംഘത്തെ കബളിപ്പിക്കുകയായിരുന്നു. ദിലീപ്, സഹോദരൻ അനൂപ്, സൂരജ് അടക്കം മൂന്ന് പ്രതികൾക്കാണ് ക്രൈംബ്രാഞ്ച് ഫോണ് ഹാജരാക്കാന് നോട്ടിസ് നല്കിയത്. ഡിസംബർ ഒമ്പതിന് വധഭീഷണി കേസ് എടുത്തതിന് പിന്നാലെ പ്രതികൾ ഉപയോഗിച്ച അഞ്ച് ഫോണുകൾ പെട്ടെന്ന് മാറ്റുകയും പുതിയ ഫോണുകളിൽ സിംകാർഡ് ഇട്ടുവെന്നുമാണ് കണ്ടെത്തിയിട്ടുള്ളത്. ഗൂഡാലോചനയുടെ നിർണ്ണായക തെളിവുകൾ ലഭിക്കുമായിരുന്ന ഫോൺ ഒളിപ്പിച്ചത് തെളിവ് നശിപ്പിക്കാൻ ആണെന്നാണ് ക്രൈം ബ്രാഞ്ച് വിലയിരുത്തൽ.