തിരുവനന്തപുരം: കര്ണാടകയുമായുള്ള ചരക്കു നീക്കം പുനസ്ഥാപിക്കാന് പ്രധാനമന്ത്രിയോട് ആവശ്യപ്പെട്ടതായി മുഖ്യമന്ത്രി പിണറായി വിജയന് പറഞ്ഞു. ഇതു സംബന്ധിച്ച കര്ണാടക ബിജെപി അധ്യക്ഷന് നളിന് കുമാറിന്റെ പ്രസ്താവന വെറും രാഷ്ട്രീയ പ്രസ്താവന മാത്രമാണെന്നും മുഖ്യമന്ത്രി പറഞ്ഞു. സംസ്ഥാനത്തിനകത്തും പുറത്തേക്കുമുള്ള ചരക്ക് നീക്കത്തിന് തടസ്സമുണ്ടാകാന് പാടില്ല എന്നതാണ് അടച്ചുപൂട്ടലുമായി ബന്ധപ്പെട്ട കേന്ദ്രത്തിന്റെയും സംസ്ഥാനസര്ക്കാരിന്റെയും പൊതു നിലപാട്. ഇത് ലംഘിക്കപ്പെടുന്ന സാഹചര്യം ഉണ്ടാകാന് പാടില്ലെന്നും മുഖ്യമന്ത്രി പറഞ്ഞു.
ഇന്ന് സംസ്ഥാനത്തേക്ക് അരിയുമായി 130 - ട്രക്കുകളാണ് എത്തിയത്. പച്ചക്കറി സാധനങ്ങള് വഹിച്ചുകൊണ്ട് 33 - ലോറികളും എത്തിയിട്ടുണ്ട്. കോഴിത്തീറ്റ ക്ഷാമം പരിഹരിക്കാനാവശ്യമായ രീതിയില് ആവശ്യത്തിന് കോഴിത്തീറ്റയുമായുള്ള ട്രക്കുകളും ഇന്ന് സംസ്ഥാനത്ത് എത്തിയതായി മുഖ്യമന്തി അറിയിച്ചു.