ഡല്‍ഹി: 2022-23 സാമ്പത്തിക വര്‍ഷത്തിലേക്കുളള പൊതുബജറ്റ് അവതരിപ്പിച്ചു. കേന്ദ്ര ധനമന്ത്രി നിര്‍മ്മലാ സീതാരാമനാണ് ബജറ്റ് പാര്‍ലമെന്റില്‍ അവതരിപ്പിച്ചത്. കൊവിഡ് പ്രതിസന്ധികളെക്കുറിച്ച് പരാമര്‍ശിച്ചായിരുന്നു നിര്‍മ്മലാ സീതാരാമന്‍ ബജറ്റ് അവതരണം ആരംഭിച്ചത്. കൊവിഡ് വ്യാപനം സാമ്പത്തിക മേഖലയില്‍ പ്രതിസന്ധി സൃഷ്ടിച്ചെങ്കിലും വാക്‌സിനേഷന്‍ വ്യാപകമായി നടത്തിയത് ഗുണം ചെയ്തു. കഴിഞ്ഞ സാമ്പത്തിക വര്‍ഷത്തില്‍ രാജ്യം ഏറെ വളര്‍ച്ച നേടിയെന്ന് നിര്‍മ്മലാ സീതാരാമന്‍ പറഞ്ഞു.
അടുത്ത 25 വര്‍ഷത്തെ സാമ്പത്തിക വളര്‍ച്ച ലക്ഷ്യംവെച്ചുളള വികസന പദ്ധതികളുടെ ബ്ലൂപ്രിന്റാണ് ഇത്തവണത്തെ ബജറ്റെന്നും രാജ്യത്തെ അടിസ്ഥാന സൗകര്യങ്ങള്‍ വികസിപ്പിക്കുന്നതിനായി പി എം ഗതിശക്തി മാസ്റ്റര്‍ പ്ലാന്‍ പ്രഖ്യാപിക്കുകയാണെന്നും മന്ത്രി പറഞ്ഞു. 60 ലക്ഷം തൊഴിലവസരങ്ങള്‍ സൃഷ്ടിക്കും, 5ജി സ്‌പെക്ട്രം ലേലം ഈ വര്‍ഷം തന്നെയുണ്ടാകും, 2.73 ലക്ഷം കോടി രൂപ കാര്‍ഷികോല്‍പ്പന്നങ്ങളുടെ താങ്ങുവിലയ്ക്കായി നീക്കിവെയ്ക്കും രാജ്യത്ത് ഡിജിറ്റല്‍ കറന്‍സിക്ക് രൂപം നല്‍കും തുടങ്ങിയ പ്രഖ്യാപനങ്ങളാണ് ഇത്തവണത്തെ ബജറ്റില്‍ നിര്‍മ്മലാ സീതാരാമന്‍ നടത്തിയത്.
പ്രധാന പ്രഖ്യാപനങ്ങള്‍
ആര്‍ ബി ഐ രാജ്യത്ത് ഡിജിറ്റല്‍ കറന്‍സി പുറത്തിറക്കും
2.73 ലക്ഷം കോടി രൂപ കാര്‍ഷികോല്‍പ്പന്നങ്ങളുടെ താങ്ങുവിലയ്ക്കായി നീക്കിവെക്കും
ജല്‍ജീവന്‍ മിഷന് 60,000 കോടി വകയിരുത്തും
കിസാന്‍ ഡ്രോണുകള്‍ രംഗത്തിറക്കും
60 ലക്ഷം തൊഴിലവസരങ്ങള്‍ സൃഷ്ടിക്കും
25000 കിലോമീറ്റര്‍ എക്‌സ്പ്രസ് വേ നിര്‍മ്മിക്കും
100 മള്‍ട്ടി മോഡല്‍ കാര്‍ഗോ ടെര്‍മിനലുകള്‍ നിര്‍മ്മിക്കും
ഡിജിറ്റല്‍ യൂണിവേഴ്‌സിറ്റി നിര്‍മ്മിക്കും
വടക്കുകിഴക്കന്‍ സംസ്ഥാനങ്ങള്‍ക്ക് 1500 കോടി രൂപ അനുവദിക്കും
ഇലക്ടോണിക് ഉല്‍പ്പന്നങ്ങള്‍ക്കും രത്‌നങ്ങള്‍ക്കും വില കുറയും
സംസ്ഥാനങ്ങള്‍ക്ക് ഒരുലക്ഷം കോടി രൂപ സാമ്പത്തിക സഹായം
ചിപ്പ് ഘടിപ്പിച്ച ഇ പാസ്‌പോര്‍ട്ട്
തൊഴിലുറപ്പ് പദ്ധതിക്ക് കൂടുതല്‍ തുക
ചെറുകിട ഇടത്തരം മേഖലകള്‍ക്ക് രണ്ട് ലക്ഷം കോടി
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
