മുംബൈ: വിഖ്യാത ഗായികയും ഭാരത രത്ന ജേതാവുമായ ലതാ മങ്കേഷ്കര്‍ അതീവ ഗുരുതരാവാസ്ഥയില്‍. കൊവിഡ്‌ ബാധയെതുടര്‍ന്ന് ആരോഗ്യനില വഷളായ ഗായിക തീവ്ര പരിചരണ വിഭാഗത്തിലായിരുന്നു. ഇതിനിടെ ശ്വാസതടസ്സം നേരിട്ടതിനെ തുടര്‍ന്ന് വെന്‍റിലേറ്ററിലേക്ക് മാറ്റുകയായിരുന്നു. മുംബൈയിലെ സ്വകാര്യ ആശുപത്രിയിലാണ് ലത ചികിത്സയില്‍ കഴിയുന്നത്. കഴിഞ്ഞ മാസം (ജനുവരി) 11 നാണ് 93- കാരിയാ ലതാ മങ്കേഷ്കറെ ആശുപത്രിയില്‍ പ്രവേശിപ്പിച്ചത്. ന്യുമോണിയ ബാധയെതുടര്‍ന്ന് ശാരീരിക അവശതയിലായിരുന്ന ഗായികക്ക് കൊവിഡ്‌ ബാധിച്ചതോടെ നില കൂടുതല്‍ വഷളാകുകയാണുണ്ടായത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുകz
ഇന്ത്യയുടെ വാനമ്പാടി എന്നറിയപ്പെടുന്ന ലതാ മങ്കേഷ്കര്‍ 1929 ഇന്‍ഡോറിലാണ് ജനിച്ചത്. 1942 ല്‍ തന്റെ 13-ാം വയസ്സിലാണ് ചലച്ചിത്ര ഗാനലാപനത്തിലേക്കെത്തുന്നത്. ഇതിനകം വിവിധ ഭാഷകളിലായി മുപ്പതിനായിരത്തിലധികം ഗാനങ്ങള്‍ ആലപിച്ചിട്ടുണ്ട്. ഇന്ത്യയിലെ എല്ലാ ഭാഷകളിലും ഗാനങ്ങള്‍ ആലപിച്ചിട്ടുണ്ട്. മലയാളത്തില്‍ ആലപിച്ച 'കദളി ചെങ്കദളി' എന്ന് തുടങ്ങുന്ന 'നെല്ലി' ലെ ഗാനം ഏറെ ശ്രദ്ധ പിടിച്ചുപറ്റി. 'ഭാരതരത്ന' എന്ന പരമോന്നത ബഹുമതി നേടിയ ലത എണ്ണമറ്റ പുരസ്കാരങ്ങള്‍ നേടിയിട്ടുണ്ട്.
