മോഹന്‍ലാലിനെ നായകനാക്കി ബി ഉണ്ണിക്കൃഷ്ണന്‍ സംവിധാനം ചെയ്യുന്ന ആറാട്ടിന്റെ റിലീസ് തിയതി പ്രഖ്യാപിച്ചു. ഫെബ്രുവരി 18-നാണ് ചിത്രം തിയറ്ററുകളിലേക്കെത്തുന്നത്. കഴിഞ്ഞ വര്‍ഷം തിയറ്ററുകളിലെത്തേണ്ടിയിരുന്ന ചിത്രത്തിന്റെ റിലീസ് കൊവിഡ് പ്രതിസന്ധി മൂലം മാറ്റിവെക്കുകയായിരുന്നു. വില്ലന്‍ എന്ന ചിത്രത്തിനുശേഷം മോഹന്‍ലാലും ബി ഉണ്ണിക്കൃഷ്ണനും ഒന്നിക്കുന്ന ചിത്രമെന്ന പ്രത്യേകതയും ആറാട്ടിനുണ്ട്.
നെയ്യാറ്റിന്‍കര ഗോപന്റെ ആറാട്ട് എന്നാണ് ചിത്രത്തിന്റെ മുഴുവന്‍ പേര്. നെയ്യാറ്റിന്‍കര ഗോപനെന്ന കഥാപാത്രത്തെ അവതരിപ്പിക്കുന്നത് മോഹന്‍ലാലാണ്. ഉദയ് കൃഷ്ണയാണ് ആറാട്ടിന്റെ തിരക്കഥയെഴുതിയിരിക്കുന്നത്. എ ആര്‍ റഹ്‌മാനും ആറാട്ടിന്റെ ഭാഗമാവുന്നുണ്ട്. ശ്രദ്ധ ശ്രീനാഥ്, നെടുമുടി വേണു, നേഹ സക്‌സേന, ജോണി ആന്റണി, സായ് കുമാര്‍, സിദ്ദിഖ് തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ആറാട്ടിന്റെ ട്രെയിലറിനും ടീസറിനുമെല്ലാം സമൂഹമാധ്യമങ്ങളില്‍ വന്‍ സ്വീകാര്യതയാണ് ലഭിച്ചത്. വിജയ് ഉലകനാഥാണ് ക്യാമറ കൈകാര്യം ചെയ്യുന്നത്. രാഹുല്‍ രാജാണ് ചിത്രത്തില്‍ സംഗീത സംവിധാനം. സജീഷ് മഞ്ചേരി, ആര്‍ഡി ഇല്ലുമിനേഷന്‍സ് എന്നിവര്‍ ചേര്‍ന്നാണ് ആറാട്ട് നിര്‍മ്മിക്കുന്നത്.
