തെലങ്കാനയിൽ 75 പേർക്കുകൂടി കൊവിഡ്-19 സ്ഥിരീകരിച്ചു. ഇവരെല്ലാം നിസാമുദ്ദീനിലെ തബ് ലീഗി സമ്മേളനത്തിൽ പങ്കെടുത്തവരാണ്. തെലങ്കാനയിൽ രോഗ ബാധിതരുടെ എണ്ണം 230 ആയി. സംസ്ഥാനത്ത് രോഗം ബാധിച്ച് ഇന്ന് രണ്ടുപേർ മരിച്ചു. രണ്ട് പേരും തബ് ലീഗി സമ്മേളനത്തിൽ പങ്കെടുത്തവരാണ്. ഇതോടെ സംസ്ഥാനത്ത് മരണം സംഖ്യ 11 ആയി. എന്നാൽ ഒടുവിലെ കണക്കുകൾ പ്രകാരം 32 കൊവിഡ് രോഗം ഭേദമായിട്ടുമുണ്ട്.
തമിഴ്നാട്ടിൽ കൊവിഡ് രോഗ ബാധിതരുടെ എണ്ണം ഗണ്യമായി വർദ്ധിച്ചു. ഇന്ന് മാത്രം 102 പേർക്കാണ് രോഗം സ്ഥിരീകരിച്ചത്. ഇതോടെ അസുഖം ബാധിച്ചവരുടെ എണ്ണം 400 പിന്നിട്ടു. ഇതിൽ 364 പേരും തബ് ലീഗി സമ്മേളനത്തിൽ പങ്കെടുത്തവരാണ്. തമിഴ്നാട് സർക്കാർ സംസ്ഥാനം മുഴുവൻ കൊവിഡ് സാധ്യതാ മേഖലയായി പ്രഖ്യാപിച്ചു. കഴിഞ്ഞ 3 ദിവസത്തിനിടെ 300 ഓളം പേർക്കാണ് തമിഴ്നാട്ടിൽ കൊവിഡ് ബാധിച്ചത്.
11 സിഐഎസ്എഫ് ജവാന്മാർക്ക് കൊവിഡ്-19 സ്ഥിരീകരിച്ചു. മുംബൈ വിമാനത്താവളത്തിൽ ഡ്യൂട്ടിയിലുണ്ടായിരുന്ന ജവാന്മാരാണ് അസുഖ ബാധിതരായത്. 150 ഓളം സിഐഎസ്എഫ് ജവാന്മാർ നിരീക്ഷണത്തിലുണ്ട്. രാജ്യത്തിന്റെ വിവിധ ഭാഗങ്ങളിലായാണ് ഇവർ നിരീക്ഷണത്തിലുളളത്. കൊവിഡ് പ്രതിരോധ നിർദ്ദേശങ്ങൾ ജവാന്മാർ കർശനമായി പാലിക്കണമെന്ന് സിഐഎസ് ആവശ്യപ്പെട്ടിട്ടണ്ട്.
