മുംബൈ: ഷാറൂഖ് ഖാന്റെ മകന് ആര്യന് ഖാന് എഴുത്തുകാരനായി അരങ്ങേറ്റം കുറിക്കുന്നുവെന്ന് റിപ്പോര്ട്ട്. ഒരു വെബ് സീരീസിന്റെയും ഫീച്ചര് ഫിലിമിന്റെയും എഴുത്തുപണിയിലാണ് ആര്യന് ഖാനെന്ന് പിങ്ക് വില്ല റിപ്പോര്ട്ട് ചെയ്യുന്നു. ആമസോണ് പ്രൈമിനുവേണ്ടി വെബ് സീരീസും ഷാറൂഖ് ഖാന്റെ പ്രൊഡക്ഷന് കമ്പനിയായ റെഡ് ചില്ലീസ് എന്റര്ടൈന്മെന്റിനുവേണ്ടിയുളള സിനിമയുമാണ് അണിയറയിലെന്നാണ് റിപ്പോര്ട്ട്.
ഷാറൂഖ് ഖാന്റെ മകള് സുഹാനയും അഭിനയത്തില് അരങ്ങേറ്റം കുറിക്കാനുളള തയാറെടുപ്പിലാണ്. നെറ്റ്ഫ്ളിക്സിനുവേണ്ടി സോയാ അക്തര് സംവിധാനം ചെയ്യുന്ന വെബ് സീരീസിലൂടെയാകും സുഹാന അഭിനയരംഗത്തേക്കെത്തുക. കഴിഞ്ഞ വര്ഷം ഒക്ടോബര് രണ്ടിനാണ് ആര്യന് ഖാന് മയക്കുമരുന്ന് കേസില് അറസ്റ്റിലാവുന്നത്. കോര്ഡേലിയ ഇംപ്രസ എന്ന ആഢംബര കപ്പലില് നടന്ന ലഹരിപ്പാര്ട്ടിക്കിടെയായിരുന്നു ആര്യന് അറസ്റ്റിലായത്. 28 ദിവസത്തെ ജയില്വാസത്തിനുശേഷം ഒക്ടോബര് മുപ്പതിനാണ് ആര്യന് ജാമ്യം ലഭിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പിന്നീട് കുറച്ചുനാള് ലൈം ലൈറ്റില് നിന്ന് മാറിനിന്ന ആര്യന് ഇന്ത്യന് പ്രീമിയര് ലീഗ്(ഐ പി എല്)ന്റെ ലേലത്തിന് സഹോദരി സുഹാനയ്ക്കൊപ്പം പങ്കെടുത്തിരുന്നു. കൊല്ക്കത്ത നൈറ്റ് റൈഡേഴ്സിന്റെ സഹ ഉടമയായ ഷാറൂഖ് ഖാന് എത്തിച്ചേരാന് സാധിക്കാതിരുന്ന സാഹചര്യത്തിലായിരുന്നു മക്കളായ ആര്യനും സുഹാനയും ലേലത്തില് പങ്കെടുത്തത്.
