തിരുവനന്തപുരം: പാര്‍ട്ടിയില്‍ വ്യക്തിപൂജ അനുവദിക്കില്ലെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍. നേതാക്കളെ പ്രശംസിക്കുന്ന പാട്ടുകള്‍ പാര്‍ട്ടിയുടേതല്ലെന്നും കോടിയേരി പറഞ്ഞു. ഏഷ്യാനെറ്റ് ന്യൂസിനോട് സംസാരിക്കുകയായിരുന്നു അദ്ദേഹം. താന്‍ മന്ത്രിസഭയിലേക്ക് വരുന്നു എന്നത് അഭ്യൂഹം മാത്രമാണ്. അത്തരമൊരു സാഹചര്യം പാര്‍ട്ടിയിലില്ല. മന്ത്രിസഭാ പുനസംഘടനയും പാര്‍ട്ടിയുടെ അജണ്ടയിലില്ലെന്നും കോടിയേരി ബാലകൃഷ്ണന്‍ പറഞ്ഞു.
സംസ്ഥാന കമ്മിറ്റിയില്‍ 75 വയസ് പ്രായപരിധി കര്‍ശനമാക്കുമെന്നും കോടിയേരി പറഞ്ഞു. 'കേന്ദ്രകമ്മിറ്റിയാണ് തീരുമാനം നടപ്പിലാക്കുക .75 വയസ് കഴിഞ്ഞവരെ സംസ്ഥാന കമ്മിറ്റിയില്‍ നിന്ന് ഒഴിവാക്കുമ്പോള്‍ അവര്‍ക്ക് പുതിയ ഉത്തരവാദിത്വങ്ങള്‍ നല്‍കും. പാര്‍ട്ടിയുടെ സുരക്ഷിതത്വം അവര്‍ക്കുണ്ടാകും. പുതിയ കക്ഷികളെ പാര്‍ട്ടിയിലെത്തിക്കാനുളള ചര്‍ച്ചകളൊന്നും നിലവില്‍ നടക്കുന്നില്ല. സി പി എമ്മിന്റെ ബഹുജന അടിത്തറ ശക്തിപ്പെടുത്തുന്നതിനാണ് പാര്‍ട്ടി ഇപ്പോള്‍ പ്രാധാന്യം കൊടുക്കുന്നത്.'- കോടിയേരി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
