കൊച്ചി: പാര്ട്ടിയിലെ ചില നേതാക്കളുടെ സ്ത്രീകളോടുള്ള പെരുമാറ്റം മോശമെന്ന് സിപിഎം നേതാവും ഉന്നത വിദ്യാഭ്യാസ മന്ത്രിയുമായ ആര്. ബിന്ദു. സിപിഎം സംസ്ഥാന സമ്മേളനത്തില് സംഘടനാ റിപ്പോര്ട്ടിന്മേല് നടത്തിയ പൊതുചര്ച്ചയില് പങ്കെടുത്തുകൊണ്ട് സംസാരിക്കുകയായിരുന്നു അവര്. 'പാര്ട്ടിയില് സ്ത്രീകളോടുള്ള മോശം പെരുമാറ്റം ഇപ്പോഴും നിലനില്ക്കുന്നുവെന്ന് ഖേദത്തോടെ പറയേണ്ടി വരുന്നു. എന്തെങ്കിലും മോശം അനുഭവമുണ്ടായാല് പരാതി നല്കിയാലും പലപ്പോഴും പരിഗണിക്കപ്പെടുന്നില്ല. പരാതി നല്കിയ ആളുകള്ക്ക് അവഗണന നേരിടേണ്ടി വരുന്ന സാഹചര്യമാണുള്ളതെന്നും' ബിന്ദു പറഞ്ഞു.
ആലപ്പുഴയില് നിന്നുള്ള പ്രതിനിധികളും സമാനമായ പ്രശ്നം ചൂണ്ടിക്കാട്ടി. വനിതാ ബ്രാഞ്ച് സെക്രട്ടിമാരും മറ്റും ധാരാളമായി കമ്മിറ്റികളിലേക്ക് കടന്നുവന്നിട്ടുണ്ട്. എന്നാല് ഇപ്പോഴും പുരുഷ മേധാവിത്വപരമായ സമീപനമാണ് പല കാര്യങ്ങളിലും നടക്കുന്നത്. വനിതകള് ഉന്നയിക്കുന്ന ആവശ്യങ്ങള് പരിഗണിക്കുന്നില്ല. വനിതകളുടേതായ പ്രശ്നങ്ങളില് ഇടപെടാനോ അത്തരം കാര്യങ്ങള്ക്ക് പപരിഹാരം കാണാനോ കാര്യമായ ഒരു ശ്രമവും ഉണ്ടാകുന്നില്ലെന്നാണ് ആലപ്പുഴയില് നിന്നുള്ള പ്രതിനിധികള് പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്നലെ നടന്ന പൊതു ചര്ച്ചയില് പൊലീസിനും ആഭ്യന്തരവകുപ്പിനെതിരെയും രൂക്ഷ വിമര്ശനമുയര്ന്നിരുന്നു. ഇടത് സര്ക്കാര് നയം ചില പൊലീസ് ഉദ്യോഗസ്ഥര് നടപ്പാക്കുന്നില്ലെന്ന് പ്രതിനിധികള് വിമര്ശനം ഉന്നയിച്ചു. പൊലീസ് നടപടികളില് പാര്ട്ടി ഇടപെടണമെന്നും വിവിധ ജില്ലകളിലെ പ്രതിനിധികള് ആവശ്യപ്പെട്ടു. കണ്ണൂര്, തിരുവനന്തപുരം, ഇടുക്കി, തുടങ്ങിയ ജില്ലകളില് നിന്നാണ് രൂക്ഷ വിമര്ശനം ഉയര്ന്നത്.