തിരുവനന്തപുരം: ഇനി രാജ്യസഭയിലേക്ക് മത്സരിക്കാനില്ലെന്ന് മുതിര്ന്ന കോണ്ഗ്രസ് നേതാവ് എ കെ ആന്റണി. ഇനിമുതല് താന് മത്സരിക്കുന്നില്ലെന്ന കാര്യം ഹൈക്കമാന്റിനെയും കെ പി സി സിയെയും അറിയിച്ചിട്ടുണ്ടെന്നും തനിക്ക് ഇതുവരെ നല്കിയ അവസരങ്ങള്ക്ക് സോണിയാ ഗാന്ധിക്ക് നന്ദി പറയുന്നു എന്നും എ കെ ആന്റണി പറഞ്ഞു.
എ കെ ആന്റണിക്കു പകരക്കാരനെ കണ്ടെത്താനുളള ശ്രമം കെ പി സി സി ആരംഭിച്ചിട്ടുണ്ട്. മുല്ലപ്പളളി രാമചന്ദ്രന്, ചെറിയാന് ഫിലിപ്പ്, വി ടി ബല്റാം തുടങ്ങിയവരുടെ പേരുകളാണ് രാജ്യസഭയിലേക്ക് ഉയര്ന്നുവരുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കേരളമുള്പ്പെടെ ആറ് സംസ്ഥാനങ്ങളിലാണ് രാജ്യസഭാ തെരഞ്ഞെടുപ്പ് നടക്കാന് പോകുന്നത്. മാര്ച്ച് പതിനാലിന് തെരഞ്ഞെടുപ്പ് വിജ്ഞാപനം ഇറങ്ങും. മാര്ച്ച് ഇരുപത്തിയൊന്നാണ് നാമനിര്ദേശപത്രിക സമര്പ്പിക്കാനുളള അവസാന ദിവസം. മാര്ച്ച് 31-നായിരിക്കും രാജ്യസഭാ തെരഞ്ഞെടുപ്പ് നടക്കുക. അന്നുതന്നെ വോട്ടെണ്ണലും നടക്കും. പഞ്ചാബ്, കേരളം, അസം, ഹിമാചല് പ്രദേശ്, ത്രിപുര, നാഗാലാന്റ് എന്നീ സംസ്ഥാനങ്ങളിലാണ് രാജ്യസഭാ തെരഞ്ഞെടുപ്പ് നടക്കുന്നത്. കേരളത്തില് എ കെ ആന്റണി (കോണ്ഗ്രസ്), കെ സോമപ്രസാദ് (സി പി ഐ എം), എം വി ശ്രെയാംസ് കുമാര് (എല് ജെ ഡി) എന്നിവരുടെ കാലാവധി പൂര്ത്തിയാവുകയാണ്. ഈ ഒഴിവിലേക്കാണ് തെരഞ്ഞെടുപ്പ് നടക്കുന്നത്.