ഡല്ഹി: 'കാശ്മീര് ഫയല്സ്' എന്ന പേരില് സിനിമ നിര്മ്മിക്കാമെങ്കില് 'ലഖിംപൂര് ഫയല്'സും നിര്മ്മിക്കാമെന്ന് യുപി മുന് മുഖ്യമന്ത്രിയും സമാജ് വാദി പാര്ട്ടി അധ്യക്ഷനുമായ അഖിലേഷ് യാദവ്. 'കാശ്മീര് ഫയല്സ് നിര്മ്മിക്കാമെങ്കില്, ലഖിംപൂരില് കര്ഷകരെ വണ്ടിയിടിച്ച് കൊലപ്പെടുത്തിയ സംഭവത്തെക്കുറിച്ച് ലഖിംപൂര് ഫയല്സ് എന്ന പേരില് സിനിമയെടുക്കണം'-അഖിലേഷ് യാദവ് പറഞ്ഞു. വിവേക് അഗ്നിഹോത്രി സംവിധാനം ചെയ്ത കാശ്മീര് ഫയല്സ് എന്ന ചിത്രത്തെക്കുറിച്ചുളള മാധ്യമപ്രവര്ത്തകരുടെ ചോദ്യത്തിനായിരുന്നു അഖിലേഷിന്റെ മറുപടി.
1990-കളില് നടന്ന കാശ്മീരി പണ്ഡിറ്റുകളുടെ പലായനത്തെ ആസ്പദമാക്കി വിവേക് അഗ്നിഹോതി രചനയും സംവിധാനവും നിര്വഹിച്ച ചിത്രമാണ് ദി കാശ്മീര് ഫയല്സ്. ബിജെപിയുടെ പ്രത്യയശാസ്ത്രവും അജണ്ടയും കടത്തിവിടാനായി മാത്രം നിര്മ്മിച്ച സിനിമയാണിതെന്നും അന്നത്തെ തീവ്രവാദികളുടെ ആക്രമണങ്ങളില് ഹിന്ദുക്കള് മാത്രമല്ല സിഖുകാരും മുസ്ലീങ്ങളുമെല്ലാം കൊല്ലപ്പെട്ടിട്ടുണ്ട് എന്നാല് അതൊന്നും സിനിമകയില് കാണിക്കാതെ ഹിന്ദുക്കള് മാത്രം ആക്രമിക്കപ്പെടുന്നു എന്ന തരത്തിലാണ് സിനിമയില് കാണിച്ചിരിക്കുന്നതെന്നും തുടങ്ങി വ്യാപക വിമര്ശനങ്ങളാണ് കാശ്മീര് ഫയല്സിനെതിരെ ഉയര്ന്നുവരുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മിഥുന് ചക്രവര്ത്തി, അനുപം ഖേര്, ദര്ശന് കുമാര്, പല്ലവി ജോഷി, ചിന്മയി മാണ്ട്ലേക്കര്, അതുല് ശ്രീവാസ്തവ്, മൃണാല് കുല്ക്കര്ണി തുടങ്ങിയവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്.