കൊല്ക്കത്ത: യുക്രൈന് പ്രസിഡന്റ് വോളോദിമര് സെലന്സ്കിയോടുളള ആദരസൂചകമായി ചായപ്പൊടിക്ക് 'സെലന്ക്സി' എന്ന് പേരിട്ട് അസം കേന്ദ്രീകരിച്ച് പ്രവര്ത്തിക്കുന്ന സ്റ്റാര്ട്ട്അപ്പ് കമ്പനി. 'അരോമിക ടീ' എന്ന കമ്പനിയാണ് റഷ്യന് അധിനിവേശത്തിനുമുന്നില് കൂസാതെ നിന്ന സെലന്സ്കിയുടെ ധീരതയ്ക്കും വീര്യത്തിനും ആദരമര്പ്പിച്ച് അവരുടെ ചായയ്ക്ക് യുക്രൈന് പ്രസിഡന്റിന്റെ പേരിട്ടത്. 'സെലന്സ്കി ടീ, റിയലി സ്ട്രോങ്' എന്ന ടാഗ് ലൈനോടെയാണ് ചായപ്പൊടി ബ്രാന്ഡ് ചെയ്തിരിക്കുന്നത്.
'യുദ്ധത്തില് തകര്ന്ന യുക്രൈനില് നിന്ന് രക്ഷപ്പെടാന് യുഎസ് അദ്ദേഹത്തിന് സഹായം വാഗ്ദാനം നല്കിയിരുന്നു. യു എസിന്റെ വാഗ്ദാനം നിരസിച്ച് തന്റെ ജനങ്ങള്ക്കൊപ്പം നിലകൊളളാന് അദ്ദേഹം കാണിച്ച ധീരതയാണ് ഞങ്ങളുടെ ചായപ്പൊടിക്ക് സെലന്സ്കി എന്ന് പേരിടാന് പ്രചോദനമായത്. എനിക്ക് ഇപ്പോള് യാത്രയല്ല ആവശ്യം വെടിമരുന്നുകളാണ് എന്നാണ് അദ്ദേഹം പറഞ്ഞത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇത് അദ്ദേഹത്തിന്റെ മനക്കരുത്താണ് കാണിക്കുന്നത്. വിജയിക്കാനുളള സാധ്യതകള് വിദൂരമാണെങ്കിലും അദ്ദേഹം ജനങ്ങള്ക്കൊപ്പം നിന്ന് പൊരുതുകയാണ്. അദ്ദേഹത്തോടുളള ആദരസൂചകമായാണ് ഞങ്ങളുടെ ഉല്പ്പന്നത്തിന് സെലന്സ്കി എന്ന പേര് നല്കിയത്'-ആരോമിക ടീ ഡയറക്ടര് രഞ്ജിത്ത് ബറുവ പറഞ്ഞു.
