കണ്ണൂര്: സിപിഎമ്മിന്റെ 23ാം പാർട്ടി കോൺഗ്രസിന് തുടക്കമായി. പൊളിറ്റ് ബ്യൂറോ അംഗം എസ് രാമചന്ദ്രന്പിള്ള പതാക ഉയര്ത്തി. പ്രതിനിധി സമ്മേളനം ജനറല് സെക്രട്ടറി സീതാറാം യെച്ചൂരി ഉദ്ഘാടനം ചെയ്തു. സിപിഐ ജനറല് സെക്രട്ടറി ഡി രാജ സമ്മേളനത്തെ അഭിവാദ്യം ചെയ്ത് സംസാരിച്ചു. വൈകിട്ട് നാലിന് രാഷ്ട്രീയപ്രമേയം അവതരിപ്പിക്കും. നാളെ രാവിലെ ഒമ്പതിന് പൊതുചർച്ച തുടങ്ങും.
രാജ്യത്തിന്റെ മതേതരത്വത്തിന് ഭീഷണിയാകുന്ന ബിജെപിയെ ഒറ്റപ്പെടുത്തുകയാണ് ലക്ഷ്യമെന്ന് എസ് ആർ പി പറഞ്ഞു. രാജ്യത്തിന്റെ മതേതരത്വവും ജനാധിപത്യവും കാത്തു സൂക്ഷിക്കാന് പ്രതിപക്ഷ പാര്ട്ടികളുടെ ഐക്യം അനിവാര്യമാണെന്നും അതിന് നേതൃത്വം നല്കാന് ഇടതുപക്ഷത്തിനേ സാധിക്കൂ എന്നും സമ്മേളനം ഉദ്ഘാടനം ചെയ്തുകൊണ്ട് യെച്ചൂരിയും വ്യക്തമാക്കി. ആഗോളതലത്തില് അമേരിക്കന് സാമ്രാജ്യത്വത്തെ ചെറുക്കുന്നത് ചൈനയാണെന്നും, ആ രാജ്യത്തെ ഒറ്റ തിരിഞ്ഞ് ആക്രമിക്കാനുള്ള ശ്രമമാണ് നടക്കുന്നതെന്നും യെച്ചൂരി പറഞ്ഞു. ബിജെപിക്കും കോണ്ഗ്രസിനും ഒരേ നയമാണെന്നും സില്വര് ലൈന് പദ്ധതി നടപ്പാക്കാന് പരമാവധി ശ്രമിക്കുമെന്നും മുഖ്യമന്ത്രി പിണറായി വിജയന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
17 പൊളിറ്റ്ബ്യൂറോ അംഗങ്ങളും 78 കേന്ദ്ര കമ്മിറ്റി അംഗങ്ങളും 640 പ്രതിനിധികളും 77 നിരീക്ഷകരുമടക്കം 812 പ്രതിനിധികളാണ് പാര്ട്ടി കോണ്ഗ്രസില് പങ്കെടുക്കുന്നത്. ഏറ്റവും അധികം പ്രതിനിധികള് (175) കേരളത്തില് നിന്നാണുള്ളത്. ബംഗാളില് നിന്ന് 160 പ്രതിനിധികളും ത്രിപുരയില് നിന്ന് 40 പ്രതിനിധികളും പങ്കെടുക്കുന്നുണ്ട്.