കൊച്ചി: നടിയെ ആക്രമിച്ച കേസില് കാവ്യാ മാധവന് ചോദ്യം ചെയ്യലിന് ഹാജരായേക്കും. ചോദ്യം ചെയ്യലിന് ഹാജരാകാനുള്ള സ്ഥലം കാവ്യക്ക് തീരുമാനിക്കാമെന്നാണ് അന്വേഷണ സംഘം അറിയിച്ചിരിക്കുന്നത്. എന്നാല് സമയത്തിനോ, ദിവസത്തിനോ മാറ്റമുണ്ടാകില്ലെന്നും ക്രൈംബ്രാഞ്ച് അറിയിച്ചു. ആലുവ പോലീസ് ക്ലബില് ചോദ്യം ചെയ്യലിന് ഹാജരാകാനാണ് അന്വേഷണ ഉദ്യോഗസ്ഥര് കാവ്യാ മാധവന് നിര്ദ്ദേശം നല്കിയത്. ഇതിലാണ് ഇപ്പോള് മാറ്റം വരുത്തിയിരിക്കുന്നത്. നിലവില് ചെന്നൈയിലുള്ള കാവ്യാ മാധവന് ഇന്ന് തിരിച്ചെത്തുമെന്നാണ് അന്വേഷണ ഉദ്യോഗസ്ഥര്ക്ക് ലഭിച്ചിരിക്കുന്ന വിവരം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ചോദ്യം ചെയ്യലിന് ഹാജരാകാന് നോട്ടീസ് ലഭിച്ചതിന് പിന്നാലെ കാവ്യ അഭിഭാഷകരുടെ സഹായം തേടിയതായാണ് വിവരം. കാവ്യക്കെതിരായ ഓഡിയോ ക്ലിപ്പുകള് കഴിഞ്ഞ ദിവസം അന്വേഷണ സംഘം കോടതിയില് ഹാജരാക്കിയിരുന്നു. ഈ ഓഡിയോ ക്ലിപ്പിന്റെ അടിസ്ഥാനത്തിലായിരിക്കും കാവ്യയെ അന്വേഷണം സംഘം ചോദ്യം ചെയ്യുക. ഇവരെ ചോദ്യം ചെയ്യുന്നതിലൂടെ കൂടുതല് കാര്യങ്ങള്ക്ക് വ്യക്തത വരുമെന്നാണ് അന്വേഷണ ഉദ്യോഗസ്ഥര് കരുതുന്നത്. തുടരന്വേഷണത്തിന്റെ ഭാഗമായി ലഭിച്ച എല്ലാ തെളിവുകളും കോടതിക്ക് മുന്പില് അന്വേഷണ സംഘം ഹാജരാക്കിയിട്ടുണ്ട്. കേസ് അന്വേഷണത്തിന് മൂന്ന് മാസം കൂടി സമയം അനുവദിക്കണമെന്നാവശ്യപ്പെട്ട് നല്കിയിരിക്കുന്ന ഉപഹര്ജിയുടെ ഭാഗമായാണ് കൂടുതല് തെളിവുകള് നല്കിയിട്ടുള്ളത്.