തിരുവനന്തപുരം: പാലക്കാട്, മലപ്പുറം, കോഴിക്കോട്, വയനാട് എന്നി മലബാര് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഇവിടങ്ങളില് ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
ഇന്നുമുതല് രണ്ടു ദിവസത്തേക്ക് മത്സ്യബന്ധന തൊഴിലാളികള് കടലില് പോകരുതെന്നും കാലാവസ്ഥാ നിരീക്ഷണകേന്ദ്രം അറിയിച്ചു. പ്രക്ഷുബ്ദമായ കാലാവസ്ഥയ്ക്ക് സാധ്യതയുള്ളതിനാല് തിങ്കളാഴ്ച മുതല് ബുധനാഴ്ച്ചവരെ (ഏപ്രില് - 6 മുതല് 8 വരെ) മത്സ്യബന്ധനത്തിനു പോകരുതെന്നാണ് ജാഗ്രതാ നിര്ദ്ദേശം.
തെക്കു - കിഴക്ക് ബംഗാള് ഉള്ക്കടലിലും തെക്ക് ആന്ഡമാന് തീരത്തും കടല് പ്രക്ഷുബ്ദമാകാന് സാധ്യതയുണ്ട് എന്നാണ് കാലാവസ്ഥാ നിരീക്ഷണകേന്ദ്രത്തിന്റെ അറിയിപ്പ്. അതുകൊണ്ടുതന്നെ ലക്ഷദ്വീപിലുള്ളവര്ക്കും ജാഗ്രതാ നിര്ദ്ദേശം ബാധകമാണെന്ന് അറിയിപ്പില് പറയുന്നു.