കണ്ണൂര്: സിപിഎം 23-ാം പാര്ട്ടി കോണ്ഗ്രസ്സിന് കണ്ണൂരിലെത്തിയ ജനറല് സെക്രട്ടറി സീതാറാം യെച്ചൂരി സഞ്ചരിച്ചത് വാടകയ്ക്ക് എടുത്ത കാറിലായിരുന്നുവെന്ന് സിപിഎം കണ്ണൂര് ജില്ലാ സെക്രട്ടറി എം വി ജയരാജന് പറഞ്ഞു. എസ് ഡി പി ഐ ക്കാരന്റെ വണ്ടിയിലാണ് യെച്ചൂരി സഞ്ചരിച്ചത് എന്നും സിപിഎമ്മിന് എസ് ഡി പി ഐ യുമായി ബന്ധമുണ്ട് എന്നുമുള്ള ബിജെപിയുടെ ആരോപണത്തോട് പ്രതികരിക്കുകയായിരുന്നു എം വി ജയരാജന്.
എല്ലാ രാഷ്ട്രീയ പാര്ട്ടികളെയുംപോലെ ട്രാവല് ഏജന്സിയില് നിന്നുതന്നെയാണ് സിപിഎമ്മും വണ്ടികള് വാടകയ്ക്ക് എടുക്കുന്നത്. ക്വട്ടേഷന് നല്കി കുറഞ്ഞ വാടക നോക്കിയാണ് ഏജന്സികളെ നിശ്ചയിക്കുന്നത്, വാഹന ഉടമകളുടെ രാഷ്ട്രീയം നോക്കിയല്ല. ജനറല് സെക്രട്ടറി ഉപയോഗിച്ചിരുന്നത് KL-13 AR 2707 എന്ന രെജിസ്ട്രേഷന് നമ്പറുള്ള കാറാണ്, ഇപ്പോള് വിവാദമായ വാഹനമല്ല. വിമാനത്താവളത്തില് നിന്ന് വരാന് വേണ്ടി ആ വാഹനം ഉപയോഗിച്ചിട്ടുണ്ടാകാം എന്നേയുള്ളൂ- ജയരാജന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇപ്പോള് ഇത്തരം നീചമായ ആരോപണങ്ങള് ഉന്നയിക്കുന്നത് പരിഹാസ്യമാണ്. പാര്ട്ടി കോണ്ഗ്രസ്സിനെ കുറിച്ച് ഒരു കുറ്റവും പറയാന് കഴിയാത്തത് കൊണ്ടാണ് ഇത്തരം അടിസ്ഥാനരഹിതമായ കാര്യങ്ങള് പറയുന്നത്. അതുകൊണ്ടുതന്നെ യെച്ചൂരി സഞ്ചരിച്ച വാഹനത്തെ സംബന്ധിച്ച് അനാവശ്യവിവാദങ്ങള് ഉണ്ടാക്കേണ്ട കാര്യമില്ലെന്നും സിപിഎം കണ്ണൂര് ജില്ലാ സെക്രട്ടറി പറഞ്ഞു.
