രാജ്യത്ത് കൂടുതല്‍ കൊവിഡ് കേസുകള്‍ റിപ്പോര്‍ട്ട് ചെയ്യപ്പെടുന്നുണ്ടെങ്കിലും ഓഹരി വിപണി ഇന്ന് നേട്ടത്തോടെയാണ് വ്യാപാരം ആരംഭിച്ചത്. ഏഷ്യൻ വിപണികളിൽ കഴിഞ്ഞ ദിവസങ്ങളില്‍ ഉണ്ടായ ഉണര്‍വ്വിന് സമാനമാണ് ഇന്ന് ആഭ്യന്തര വിപണിയിലും നേട്ടം പ്രകടമായത്. ബി‌എസ്‌ഇ സെൻസെക്സ് 1,113.65 പോയിൻറ് അഥവാ 4.04 ശതമാനം ഉയർന്ന് 28,704.60 എന്ന നിലയിലാണ് വ്യാപാരം ആരംഭിച്ചത്. എൻ‌എസ്‌ഇ നിഫ്റ്റി 325.05 പോയിൻറ് ഉയർന്ന് 8,408.85 ലെത്തി. രാവിലെ 10 മണി ആയപ്പോഴേക്കും സെൻസെക്സ് 1,330 പോയിന്റും നിഫ്റ്റി 8,500 പോയിന്റുമായി ഉയർന്നു.
ഇൻഡസ്ലൻഡ് ബാങ്ക്, മഹീന്ദ്ര, മഹീന്ദ്ര, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, എച്ച്ഡിഎഫ്സി ബാങ്ക് എന്നിവയാണ് ആദ്യസമയ വ്യാപാരത്തിൽ മികച്ച നേട്ടമുണ്ടാക്കിയത്. നിഫ്റ്റി ഫാർമ, എഫ്എംസിജി, ഓട്ടോ, മെറ്റൽ, ഐടി സൂചികകളും നേട്ടമുണ്ടാക്കി. നേരത്തെ ഏഷ്യന്‍ വിപണികളില്‍ ഉയർച്ച ഉണ്ടായിരുന്നിട്ടും, ആഭ്യന്തര ഓഹരി വിപണി അസ്ഥിരമായിതന്നെ തുടരുകയായിരുന്നു.
