തിരുവനന്തപുരം: കോണ്ഗ്രസിനെ തള്ളിപ്പറയുകയാണെങ്കില് മുസ്ലിം ലീഗിനെ സിപിഎം സ്വീകരിക്കുമെന്ന് എല്.ഡി.എഫ് കണ്വീനര് ഇ.പി ജയരാജന്. എല് ഡി എഫിന്റെ വാതില് ആര്ക്കുമുന്നിലും അടക്കില്ല. മുന്നണിയെ ശക്തിപ്പെടുത്താനാണ് ഇപ്പോള് ശ്രമിക്കുന്നത്. ആ നയത്തിന്റെ ഭാഗമായാണ് ഓരോ കാര്യങ്ങളും ചെയ്യുന്നത്. പ്രതീക്ഷിക്കാത്ത പല ആളുകളും പാര്ട്ടിയിലേക്ക് വരുമെന്നും ഇ പി ജയരാജന് കൂട്ടിച്ചേര്ത്തു. ആര് എസ് പി പുനര്വിചിന്തനം ചെയ്യണം. എൽഡിഎഫ് നയങ്ങൾ അംഗീകരിച്ച് വന്നാൽ പിജെ കുര്യനും മാണി സി കാപ്പനും മുന്നണിയില് പ്രവേശനം നല്കും.
മതവര്ഗീയ സൃഷ്ടിക്കുന്ന ലൗവ് ജിഹാദ്, നാര്ക്കോട്ടിക്ക് ജിഹാദ് എന്നിവ കേരളത്തിലില്ല. ക്രിസ്തീയ വിഭാഗങ്ങള് കേരളത്തില് സുരക്ഷിതരാണ്. മിശ്രവിവാഹങ്ങള് പ്രോത്സാഹിപ്പിക്കപ്പെടണമെന്നും ഇ പി ജയരാജന് കൂട്ടിച്ചേര്ത്തു. പി ശശിക്കെതിരെ പാര്ട്ടിക്കുള്ളില് നിന്നും ഉയര്ന്നുവന്ന വിയോജിപ്പുകളോടും ഇ പി ജയരാജന് പ്രതികരിച്ചു. പി ശശിക്ക് പൊളിറ്റിക്കല് സെക്രട്ടറി സ്ഥാനത്ത് ഇരിക്കാന് യോഗ്യതയില്ലെന്ന പരാമര്ശം തെറ്റാണ്. സംസ്ഥാന കമ്മിറ്റിയില് ഏക അഭിപ്രായത്തോടെയാണ് ശശിയെ തെരഞ്ഞെടുത്തത്. ഒരാള്ക്ക് എതിരെ നടപടി എടുത്താല് അത് ആജീവനാന്തമല്ല. തെറ്റുകള് ആവര്ത്തിക്കുമോയെന്ന ആശങ്കക്ക് ഇപ്പോള് സാധ്യതയില്ലെന്നും ഇ പി ജയരാജന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, പി ശശിയെ മുഖ്യമന്ത്രിയുടെ പൊളിറ്റിക്കല് സെക്രട്ടറിയായി നിയമിച്ചതില് സിപിഎം നേതാവ് പി ജയരാജന് സംസ്ഥാന കമ്മിറ്റിയില് വിമര്ശനം ഉന്നയിച്ചു. നിയമനത്തില് സൂഷ്മത പുലര്ത്തണമെന്നും തെറ്റുകള് ഇനിയും ആവര്ത്തിക്കാന് ഇടയുണ്ടെന്നുമായിരുന്നു പി ജയരാജന് സംസ്ഥാന കമ്മറ്റിയെ അറിയിച്ചത്. പാര്ട്ടിക്ക് കളങ്കമുണ്ടാക്കിയ സംഭവങ്ങള് മറക്കരുതെന്നും പി ജയരാജന് ഓര്മ്മിപ്പിച്ചു.
