ഡല്ഹി: കൊവിഡ് മഹാമാരിയെ തുടര്ന്ന് പരോള് അനുവദിച്ച പ്രതികള് ജയിലിലേക്ക് മടങ്ങണമെന്ന് സുപ്രീം കോടതി. സംസ്ഥാനത്ത് കൊവിഡ് കേസുകള് ഉയരുന്ന സാഹചര്യത്തില് പരോള് അനുവദിക്കണമെന്ന് ആവശ്യപ്പെട്ട് പ്രതികള് നല്കിയ ഹര്ജിയാണ് കോടതി തള്ളിയത്. രണ്ടാഴ്ചക്കുള്ളിൽ അതാത് ജയിലുകളില് റിപ്പോർട്ട് ചെയ്യാനാണ് കോടതി നിർദേശം. ടി പി ചന്ദ്രശേഖരൻ കൊലക്കേസിലെ പ്രതികളായ മുഹമ്മദ് ഷാഫി, ടി കെ രജീഷ്, കെ സി രാമചന്ദ്രൻ ഉൾപ്പെടെയുള്ളവർ നൽകിയ ഹർജിയിലാണ് കോടതി ഉത്തരവ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രാജ്യത്തെ എല്ലാ സംവിധാനവും കൊവിഡിനെ അതിജീവിച്ച് മുന്പോട്ടു പോകുന്ന സാഹചര്യത്തില് കുറ്റകൃത്യത്തില് ഏര്പ്പെട്ടവര്ക്ക് മാത്രം ഇപ്പോഴും ഇളവ് അനുവദിക്കുന്നത് ഇന്ത്യന് നിയമ വ്യവസ്ഥയെ അതിക്ഷേപിക്കുന്നതിന് തുല്യമാണെന്നും കോടതി ചൂണ്ടിക്കാട്ടി. ജസ്റ്റിസ് എൽ.നാഗേശ്വർ റാവു അധ്യക്ഷനായ ബെഞ്ചിന്റേതാണ് ഉത്തരവ്. ജയിലിലെ കൊവിഡ് വ്യാപനം കണക്കിലെടുത്ത് കഴിഞ്ഞ സെപ്റ്റംബറിലാണ് പത്ത് വർഷത്തിന് മുകളിൽ തടവുശിക്ഷ ലഭിച്ച പ്രതികള്ക്ക് ജാമ്യം നല്കാന് കോടതി നിര്ദ്ദേശം നല്കിയത്.
