തിരുവനന്തപുരം: വിദ്യാഭ്യാസ സ്ഥാപനങ്ങളില് മയക്കുമരുന്ന് ഉപയോഗം കൂടുന്നതായി മന്ത്രി എം വി ഗോവിന്ദന്. സംസ്ഥാനത്ത് മദ്യം ഉപയോഗിക്കുന്നവരുടെ എണ്ണം കുറയുന്നുണ്ടെങ്കിലും മയക്കുമരുന്ന് ഉപയോഗം ദിനംപ്രതി വര്ധിക്കുകയാണെന്നും സ്കൂളുകളും കോളേജുകളും കേന്ദ്രീകരിച്ച് ലഹരിമരുന്ന് ഉപഭോഗം ഇല്ലാതാക്കാന് പദ്ധതികള് നടപ്പിലാക്കുമെന്നും എം വി ഗോവിന്ദന് പറഞ്ഞു.
സ്കൂളുകളിലും കോളേജുകളിലും ലഹരിമരുന്ന് ഉപയോഗത്തിന്റെ ദൂഷ്യവശങ്ങളെക്കുറിച്ച് വിദ്യാര്ത്ഥികളെ ബോധവല്ക്കരിക്കാന് പദ്ധതി നടപ്പിലാക്കും. ഹൈസ്കൂള് തലത്തില് പഠിക്കുന്ന കൗമാരപ്രായക്കാരായ കുട്ടികള്മുതല് കോളേജില് പഠിക്കുന്ന യുവാക്കള്വരെ ലഹരിക്ക് അടിമകളായിക്കൊണ്ടിരിക്കുകയാണ്. യുവാക്കളും യുവതികളുമെല്ലാം ഒരുപോലെ ലഹരിമാഫിയകളുടെ കണ്ണികളാവുന്നുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലഹരിമരുന്ന് കടത്തുന്ന കാരിയര്മാരായി പിടിക്കപ്പെടുന്നവരില് ഇപ്പോള് സ്ത്രീകളും ഉള്പ്പെടുന്നുണ്ട്. ലഹരിമരുന്ന് സമൂഹത്തെ മുഴുവനായി ബാധിക്കുന്ന ഒരു പ്രശ്നമാണ്. അതിന് പരിഹാരം കാണേണ്ടത് സമൂഹംതന്നെയാണ്. ജനങ്ങളുടെ മനസില് മാറ്റം വരണം. ജനങ്ങള് സ്വയം തീരുമാനിച്ചിറങ്ങിയാലേ നമുക്ക് ലഹരിമരുന്ന് ഉപയോഗത്തെ പ്രതിരോധിക്കാനാവുകയുളളു- എം വി ഗോവിന്ദന് പറഞ്ഞു.
