ഡല്ഹി: കോണ്ഗ്രസിന്റെ മുതിര്ന്ന നേതാവും മുന് കേന്ദ്ര ധനകാര്യമന്ത്രിയുമായ പി. ചിദംബരത്തിന്റേയും മകനും കോണ്ഗ്രസ് എം പിയുമായ കാര്ത്തി ചിദംബരത്തിന്റേയും വിവിധയിടങ്ങളിലെ വസതികളിലും ഓഫീസുകളിലും സിബിഐ റെയ്ഡ്. ഡല്ഹി, മുംബൈ, ശിവഗംഗ എന്നിവിടങ്ങളിലായി ഏഴോളം സ്ഥലങ്ങളില് റെയ്ഡ് നടക്കുന്നതായാണ് വിവരം.
നിരവധി കേസുകളില് കാര്ത്തി ചിദംബരത്തിനെതിരെ അന്വേഷണം നടക്കുന്നുണ്ട്. എന്നാല് പി ചിദംബരം ധനകാര്യ മന്ത്രിയായിരിക്കെ മകന് കാര്ത്തി ചിദംബരം നടത്തിയ വിദേശ പണമിടപാടുമായി ബന്ധപ്പെട്ട് പുതുതായി രജിസ്റ്റര് കേസിലാണ് ഇപ്പോഴത്തെ സിബിഐ റെയ്ഡ്. ഐ എന് എക്സ് മീഡിയ കേസില് നേരത്തെ പി ചിദംബരത്തെ അറസ്റ്റുചെയ്ത് ജയിലിലടച്ചിരുന്നു.
ഐ എന് എക്സ് മീഡിയക്ക് അനധികൃതമായി വിദേശ ഫണ്ട് സ്വീകരിക്കാന് അനുമതി നല്കിയതും ചിദംബരം ധനകാര്യ മന്ത്രിയായിരിക്കെ 305 കോടി രൂപയുടെ വിദേശ ഫണ്ട് സ്വീകരിച്ചതുമാണ് പുതിയ കേസിനാധാരമായ സംഭവം.