കൊച്ചി: നടി അക്രമിക്കെപ്പെട്ട സംഭവത്തില് കേസിന്റെ ഇപ്പോഴത്തെ അന്വേഷണ ചുമതല ഷേഖ് ദര്വേഷ് സാഹിബിനാണെന്ന് സര്ക്കാര് ഹൈക്കോടതിയെ അറിയിച്ചു. പുതിയ ക്രൈംബ്രാഞ്ച് മേധാവിയാണ് ഷേഖ് ദര്വേഷ് സാഹിബ്. അന്വേഷണം നല്ല നിലയില് നടക്കുന്നതിനിടെ എ ഡി ജി പി എസ് ശ്രീജിത്തിനെ അന്വേഷണ ചുമതലയില് നിന്ന് മാറ്റിയതിനെതിരെ നല്കിയ ഹര്ജി പരിഗണിക്കവെയാണ് കോടതി ഇക്കാര്യം സര്ക്കാരിനോട് ആരാഞ്ഞത്. ഇതിനുള്ള മറുപടിയിലാണ് അന്വേഷണ ചുമതല കൈമാറിയ കാര്യം സര്ക്കാര് കോടതിയെ അറിയിച്ചത്.
കഴിഞ്ഞ മാസമാണ് ദിലീപിനെതിരായ കേസിന്റെ അന്വേഷണ ചുമതലയില് നിന്ന് എസ്. ശ്രീജിത്തിനെ മാറ്റിയത്.നടി അക്രമിക്കപ്പെട്ട കേസില് അന്വേഷണത്തിന്റെ മേല്നോട്ടം വഹിച്ചിരുന്ന എ ഡി ജി പി എസ്. ശ്രീജിത്തിനെ ക്രൈംബ്രാഞ്ച് മേധാവി സ്ഥാനത്തുനിന്ന് മാറ്റിയത് കേസ് അട്ടിമറിക്കാനാണെന്നായിരുന്നു ഹര്ജിയിലെ ആരോപണം. എന്നാല് ക്രൈംബ്രാഞ്ച് മേധാവി സ്ഥാനത്തുനിന്നും ശ്രീജിത്തിനെ നീക്കിയെന്നും പകരം ചുമതലയിലാണ് ഇപ്പോള് ഷേഖ് ദര്വേഷ് സാഹിബ് വന്നിരിക്കുന്നതെന്നും സര്ക്കാര് കോടതിയില് വ്യക്തമാക്കി.