കൊച്ചി: വിദ്വേഷ പ്രസംഗക്കേസില് ചോദ്യം ചെയ്യലിന് വീണ്ടും ഹാജരാകണമെന്ന് പി സി ജോര്ജിനോട് പോലീസ്. തിങ്കളാഴ്ച രാവിലെ ചോദ്യം ചെയ്യലിന് ഹാജരാകണമെന്നാണ് പോലീസ് അയച്ച നോട്ടീസില് ആവശ്യപ്പെട്ടിരിക്കുന്നത്. ബിജെപിക്ക് വേണ്ടി തൃക്കാക്കര ഉപ തെരഞ്ഞെടുപ്പില് പി സി ജോര്ജ് പ്രചാരണത്തിന് പോയതിനെതിരെ കോടതിയെ സമീപിക്കാന് പോലീസ് തീരുമാനിച്ചിരുന്നു. എന്നാല് പ്രചാരണത്തിന് പോയത് ജാമ്യ വ്യവസ്ഥയുടെ ലംഘനമായി കാണാന് സാധിക്കില്ലെന്ന് പോലീസിന് നിയമോപദേശം ലഭിച്ചു. അതിനാല് പി സി ജോര്ജിന്റെ ജാമ്യം റദ്ദാക്കണമെന്ന് ആവശ്യപ്പെട്ട് പോലീസിന് കോടതിയെ സമീപിക്കാന് സാധിക്കില്ല.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പി സി ജോര്ജിനോട് ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് പോലീസ് നേരത്തെ നോട്ടീസ് നല്കിയിരുന്നു. എന്നാല് ആരോഗ്യ പ്രശ്നങ്ങളുണ്ടെന്ന് ചൂണ്ടിക്കാട്ടി പി സി ജോര്ജ് ചോദ്യം ചെയ്യലിന് ഹാജരായിരുന്നില്ല. ഈ സാഹചര്യത്തിലാണ് പോലീസ് വീണ്ടും നോട്ടീസ് അയച്ചത്. അനന്തപുരി ഹിന്ദുമഹാ സമ്മേളത്തില് നടത്തിയ വിദ്വേഷ പ്രസംഗത്തിലാണ് പി.സി.ജോര്ജിനെതിരെ ആദ്യം കേസെടുത്തത്. 153 എ, 295 എ എന്നീ വകുപ്പുകള് ചുമത്തി ജോര്ജിനെ അറസ്റ്റ് ചെയ്യുകയും ചെയ്തിരുന്നു. ഈ കേസില് ജാമ്യത്തിലിരിക്കെയാണ് പി.സി.ജോര്ജ് കൊച്ചിയിലെ വെണ്ണലയില് വീണ്ടും വിദ്വേഷ പ്രസംഗം നടത്തിയത്. പി സി ജോര്ജിന്റെ വിവാദ പരാമര്ശത്തിനെതിരെ സാമൂഹിക മാധ്യമങ്ങളിലടക്കം രൂക്ഷവിമര്ശനമാണ് ഉയര്ന്ന് വന്നത്.