ഡല്ഹി: കൊറോണ ബാധയുമായി ബന്ധപ്പെട്ട് രാജ്യം ഗുരുതരമായ സ്ഥിതിയിലേക്ക് പോകാനുള്ള സാദ്ധ്യത ചൂണ്ടിക്കാട്ടിയാണ് ഇന്ത്യന് കൌണ്സില് ഓഫ് മെഡിക്കല് റിസര്ച്ച് ഇപ്പോള് ജാഗ്രതാ നിര്ദ്ദേശം നല്കിയിരിക്കുന്നത്. ഇരുപത് (20) സംസ്ഥാനങ്ങളിലായി അമ്പത്തിരണ്ടു (52) സ്ഥലങ്ങളില് കൊറോണ വൈറസ് വ്യാപനം നിയന്ത്രണാതീതമാകാം എന്നാണു വിലയിരുത്തല്. അതായത് കോവിഡ് -19 ന്റെ സമൂഹ വ്യാപനമുണ്ടാകാം എന്നര്ത്ഥം.
റാന്ണ്ടം പരിശോധനയിലൂടെയാണ് ഇന്ത്യന് കൌണ്സില് ഓഫ് മെഡിക്കല് റിസര്ച്ച് ഈ കണ്ടെത്തല് നടത്തിയിരിക്കുന്നത്. ഐ.സി.എം.ആറിന്റെ മുന്നറിയിപ്പിന് തൊട്ടുപിന്നാലെ സംസ്ഥാനങ്ങള് ജാഗ്രത ശക്തമാക്കി.മഹാരാഷ്ട്രയില് അതി ജാഗ്രതാ നിര്ദ്ദേശം പുറപ്പെടുവിച്ചിട്ടുണ്ട്. മഹാരാഷട്രയുടെ തലസ്ഥാനം കൂടിയായ മുംബൈയിലെ ധാരാവിയില് ഇന്ന് പുതിയ 5 കേസുകള് കൂടി റിപ്പോര്ട്ട് ചെയ്തിട്ടുണ്ട്. ഏഷ്യയിലെ തന്നെ ഏറ്റവും വലിയ ചേരിയായ ധാരാവിയില് കോവിഡ് -19 പടര്ന്നുപിടിക്കുമോ എന്ന ആശങ്ക ശക്തമാണ്. ഇതിനു പുറമേ തെലങ്കാന,ഡല്ഹി തുടങ്ങി രാജ്യത്തെ 110 ഇടങ്ങളില് അതി ജാഗ്രതാ നിര്ദ്ദേശം നല്കിയിട്ടുണ്ട്.രാജ്യത്തിതുവരെ 6,412 രോഗം സ്ഥിരീകരിച്ചിട്ടുള്ളത്. 1,99 പേര് ഇതിനകം മരണപ്പെട്ടു.
