തിരുവനന്തപുരം: സംസ്ഥാനത്തെ പൊതു വിദ്യാലയങ്ങളിലെ എല്ലാ വിദ്യാര്ത്ഥികളേയും അദ്ധ്യാപകര് ടെലെ ഫോണില് വിളിക്കണമെന്ന് വിദ്യാഭ്യാസ മന്ത്രി സി.രവീന്ദ്രനാഥ് പറഞ്ഞു. കൊറോണാ കാലത്തെയും അടച്ചുപൂട്ടല് കാലയളവിനെയും മറികടക്കാന് കുട്ടികളില് ആത്മവിശ്വാസം വളര്ത്തേണ്ടതുണ്ട്. ഇതിനു സഹായകരമായ വിധത്തില് അദ്ധ്യാപകരുടെ ഭാഗത്തുനിന്നുള്ള ഇടപെടലുകള് അത്യാവശ്യമാണെന്നും മന്ത്രി രവീന്ദ്രനാഥ് പറഞ്ഞു.
കോവിഡ് -19 പ്രതിരോധത്തില് നാം വിജയിക്കുന്ന ഘട്ടമെത്തിയാല് ജൂണ് -1 നു തന്നെ സ്കൂളുകള് തുറക്കുമെന്നും മന്ത്രി അറിയിച്ചു. എന്തെങ്കിലും തരത്തില് വൈകലുണ്ടായാല് പാഠഭാഗങ്ങള് അധ്യനവര്ഷത്തിനകം പൂര്ത്തിയാക്കാനുള്ള എല്ലാ സംവിധാനവും നമുക്കുണ്ടെന്നും മന്ത്രി പറഞ്ഞു.
താഴ്ന്ന ക്ലാസ്സില് പഠിക്കുന്ന കുട്ടികള് വിദ്യാഭ്യാസ വകുപ്പിന്റെ ഓണ്ലൈന് പോര്ട്ടലായ 'സമഗ്ര' യിലെ പാഠഭാഗങ്ങള് പഠിക്കാനും കളിക്കാനും ആരംഭിക്കണം.വിദേശത്തുനിന്നു പുതുതായി എത്തുന്നവര്ക്ക് അവരുടെ അദ്ധ്യയന വര്ഷം മുടങ്ങില്ലെന്നും വിദ്യാഭ്യാസ മന്ത്രി സി.രവീന്ദ്രനാഥ് അറിയിച്ചു.