തിരുവനന്തപുരം: ഡല്‍ഹിയില്‍ വിവിധ ആശുപത്രികളില്‍ ജോലി ചെയ്യുന്ന നഴ്സുമാര്‍ക്ക് താമസം ,ഭക്ഷണം എന്നിവ ലഭ്യമാക്കാന്‍ കേരളാ ഹൌസ് വിട്ടു നല്‍കണമെന്ന് പ്രതിപക്ഷ നേതാവ് രമേശ്‌ ചെന്നിത്തല സംസ്ഥാന സര്‍ക്കാരിനോട് ആവശ്യപ്പെട്ടു. ഡല്‍ഹിയില്‍ 12 നാഴ്സുമാര്‍ക്കാണ് ഇതിനകം കോവിഡ് -19 സ്ഥിരീകരിച്ചിരിക്കുന്നത്. അതുകൊണ്ടു തന്നെ ഇവര്‍ക്ക് താമസസ്ഥലത്ത് മടങ്ങിയെത്തിയാല്‍ ഐസൊലേഷന്‍ സൗകര്യം അനുവദിക്കണമെന്നും പ്രതിപക്ഷ നേതാവ് ആവശ്യപ്പെട്ടു.
വളരെ ദൂരെ പ്രവര്‍ത്തിക്കുന്നവര്‍ക്കടക്കം ഡല്‍ഹി സര്‍ക്കാര്‍ താമസ സൗകര്യം ഏര്‍പ്പെടുത്തിയിയിരിക്കുന്നത് ഗുജറാത്ത് ഹൌസിലാണ്. എന്നാല്‍ ഇത് നഴ്സുമാര്‍ക്ക് വലിയ ബുദ്ധിമുട്ടാണ് ഉണ്ടാക്കുന്നത്. അതുകൊണ്ട് കേരളാ ഹൌസ് വിട്ടുനല്കുന്നതിനു സംസ്ഥാന സര്‍ക്കാര്‍ അടിയന്തിരമായി ഇടപെടണമെന്നും പ്രതിപക്ഷ നേതാവ് രമേശ്‌ ചെന്നിത്തലആവശ്യപ്പെട്ടു.
