തിരുവനന്തപുരം: സ്വര്ണക്കടത്ത് കേസ് പ്രതി സ്വപ്ന സുരേഷിന്റെ പുതിയ ആരോപണത്തിന്റെ അടിസ്ഥാനത്തില് മുഖ്യമന്ത്രിക്കെതിരെ വിമാനത്തില് പ്രതിഷേധിച്ച യൂത്ത് കോണ്ഗ്രസ് പ്രവര്ത്തകര്ക്ക് ജാമ്യം. ഫര്സീന് മജീദിനും നവീന് കുമാറിനും ജാമ്യവും സുജിത്ത് നാരായണന് മുന്കൂര് ജാമ്യവുമാണ് അനുവദിച്ചത്. വിമാനത്തിനുള്ളില് നടന്നത് പ്രതിഷേധ മുദ്രാവാക്യം വിളികള് മാത്രമാണെന്നും വധശ്രമത്തിന് കേസെടുക്കാന് സാധിക്കില്ലെന്നുമായിരുന്നു ഹര്ജികാരുടെ വാദം. സിസിടിവി ദൃശ്യങ്ങള് പരിശോധിച്ചാല് ഇക്കാര്യം വ്യക്തമാകുമെന്നും പ്രതികള് കൂട്ടിച്ചേര്ത്തു. ഇത് പരിഗണിച്ച കോടതി പ്രതികള്ക്ക് ജാമ്യം അനുവദിക്കുകയായിരുന്നു. ജാമ്യം ലഭിച്ചതോടെ നടപടിക്രമങ്ങള് പൂര്ത്തിയാക്കി രണ്ട് ദിവസത്തിനുള്ളില് ഇവര്ക്ക് പുറത്തിറങ്ങാന് സാധിക്കും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സ്വപ്ന സുരേഷിന്റെ ആരോപണത്തിന്റെ അടിസ്ഥാനത്തില് യൂത്ത് കോണ്ഗ്രസ് പ്രവര്ത്തകര് സംസ്ഥാനത്തുടനീളം പ്രതിഷേധ പരിപാടികള് സംഘടിപ്പിച്ചിരുന്നു. ഇതിനോട് അനുബന്ധിച്ചാണ് കണ്ണൂര് - തിരുവനന്തപുരം യാത്രക്കിടെ വിമാനത്തിനുള്ളില് വെച്ച് യൂത്ത് കോണ്ഗ്രസ് നേതാക്കള് മുഖ്യമന്ത്രിക്കെതിരെ മുദ്രാവാക്യം വിളിച്ചത്. ഇ പി ജയരാജന് യൂത്ത് കോണ്ഗ്രസ് നേതാക്കളെ വിമാനത്തിനുള്ളില് വെച്ച് തള്ളിമാറ്റുന്നതിന്റെ ദൃശ്യങ്ങള് സാമൂഹിക മാധ്യമങ്ങളില് വൈറലാവുകയും ചെയ്തിരുന്നു. യൂത്ത്കോണ്ഗ്രസ് മട്ടന്നൂര് ബ്ലോക്ക് പ്രസിഡന്റാണ് ഫര്സീന് മജീദ്, നവീന്കുമാര് ജില്ലാ സെക്രട്ടറിയും, സുജിത്ത് നാരായണന് മട്ടന്നൂര് മണ്ഡലം സെക്രട്ടറിയുമാണ്.
