ന്യൂയോര്ക്ക്: എഴുതുന്നതിന്റെയും സംസാരിക്കുന്നതിന്റെയും ട്വീറ്റ് ചെയ്യുന്നതിന്റെയും പേരില് മാധ്യമപ്രവര്ത്തകരെ ജയിലിലടയ്ക്കേണ്ട കാര്യമില്ലെന്ന് ഐക്യരാഷ്ട്രസഭ. ജനങ്ങള്ക്ക് അവരുടെ അഭിപ്രായങ്ങള് തുറന്നുപറയാനുളള സ്വാതന്ത്ര്യമുണ്ടാവുക എന്നത് വളരെ പ്രധാനമാണെന്നും മാധ്യമപ്രവര്ത്തകരെ അവരുടെ അഭിപ്രായം പ്രകടിപ്പിക്കാന് അനുവദിക്കണമെന്നും യുഎന് മേധാവി അന്റോണിയോ ഗുട്ടെറസിന്റെ വക്താവ് സ്റ്റീഫന് ദുജാറിക് പറഞ്ഞു. ആള്ട്ട് ന്യൂസ് സഹസ്ഥാപകന് മുഹമ്മദ് സുബൈറിനെ അറസ്റ്റ് ചെയ്തതുമായി ബന്ധപ്പെട്ടായിരുന്നു അദ്ദേഹത്തിന്റെ പ്രതികരണം.
'ലോകമെമ്പാടുമുളള ഏതൊരു രാജ്യത്തും ജനങ്ങളെ സ്വതന്ത്ര്യമായി അഭിപ്രായം പറയാന് അനുവദിക്കുക എന്നത് വളരെ പ്രധാനമാണ്. മാധ്യമപ്രവര്ത്തകര്ക്ക് ഭയപ്പെടാതെ, ഭീഷണികളില്ലാതെ അവരുടെ അഭിപ്രായങ്ങള് പറയാനുളള സ്വാതന്ത്ര്യമുണ്ടാകണം. എഴുതിയതിനും പറഞ്ഞതിനും ട്വീറ്റ് ചെയ്തതിനുമൊന്നും അവരെ ജയിലിലടയ്ക്കരുത്'- സ്റ്റീഫന് ദുജാറിക് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മതവികാരം വ്രണപ്പെടുത്തി, വിദ്വേഷം പ്രോത്സാഹിപ്പിച്ചു, കലാപത്തിന് ആഹ്വാനം ചെയ്തു തുടങ്ങിയ കുറ്റങ്ങള് ചുമത്തിയാണ് ഡല്ഹി പൊലീസ് മാധ്യമപ്രവര്ത്തകനും ആള്ട്ട് ന്യൂസിന്റെ സഹസ്ഥാപകനുമായ മുഹമ്മദ് സുബൈറിനെ അറസ്റ്റ് ചെയ്തത്. 2018-ലെ ഒരു ട്വീറ്റിന്റെ പേരിലാണ് സുബൈറിനെതിരായ നടപടി. ഒരു പ്രത്യേക മതത്തിന്റെ ദൈവത്തെ അപമാനിക്കുന്ന തരത്തിലുളള ചിത്രം ബോധപൂര്വ്വം പോസ്റ്റ് ചെയ്തു എന്നാണ് സുബൈറിനെതിരായ കേസ് എന്ന് പൊലീസ് പറഞ്ഞു. ഇന്ത്യന് നാഷണല് കോണ്ഗ്രസ്, തൃണമൂല് കോണ്ഗ്രസ്, സി പി ഐ എം, സമാജ് വാദി പാര്ട്ടി തുടങ്ങിയ പ്രതിപക്ഷ പാര്ട്ടികള് സുബൈറിന്റെ അറസ്റ്റിനെതിരെ രംഗത്തെത്തിയിരുന്നു.