കണ്ണൂര്‍: മൂന്നു ദിവസത്തെ സന്ദര്‍ശനത്തിനായി രാഹുല്‍ ഗാന്ധി എം പി കേരളത്തിലെത്തി. കണ്ണൂര്‍ വിമാനത്താവളത്തിലെത്തിയ രാഹുല്‍ ഗാന്ധിയെ കോണ്‍ഗ്രസ് നേതാക്കളും പ്രവര്‍ത്തകരും ചേര്‍ന്നാണ് സ്വീകരിച്ചത്. എസ്.എഫ്.ഐ പ്രവർത്തകർ ഓഫീസ് ആക്രമിച്ചതിന് ശേഷം ആദ്യമായിട്ടാണ് രാഹുല്‍ ഗാന്ധി മണ്ഡലം സന്ദര്‍ശിക്കുന്നത്. എകെജി സെന്ററിന് നേരെ ആക്രമണം ഉണ്ടായ പശ്ചാത്തലത്തിൽ രാഹുല്‍ ഗാന്ധി പങ്കെടുക്കുന്ന പരിപാടികളില്‍ കനത്ത സുരക്ഷയാണ് ഒരുക്കിയിരിക്കുന്നത്. മാനന്തവാടി ഒണ്ടയങ്ങാടിയിൽ നടക്കുന്ന ഫാര്‍മേഴ്‌സ് ബാങ്ക് ബില്‍ഡിംഗിന്റെ ഉദ്ഘാടനമാണ് വയനാട് ജില്ലയിലെ ആദ്യ പരിപാടി.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, ബഫർ സോൺ വിഷയത്തിൽ സുല്‍ത്താന്‍ബത്തേരി ഗാന്ധി സ്‌ക്വയറില്‍ നടക്കുന്ന ബഹുജന സംഗമമാണ് രാഹുൽ ഗാന്ധി പങ്കെടുക്കുന്ന പ്രധാന പരിപാടി. അതോടൊപ്പം വയനാട് കളക്ടറേറ്റില്‍ നടക്കുന്ന ദിശ മീറ്റിംഗിലും എംപി ഫണ്ട് അവലോകനയോഗത്തിലും അദ്ദേഹം പങ്കെടുക്കും. നാളെ നെന്മേനിയിലെ തൊഴിലുറപ്പ് തൊഴിലാളി സംഗമത്തില്‍ പങ്കെടുത്ത ശേഷം രാഹുൽഗാന്ധി മലപ്പുറത്തേക്ക് പോകും. ജൂലൈ 3 ന് മലപ്പുറത്തെ വിവിധയോഗത്തില്‍ പങ്കെടുത്തതിന് ശേഷം അദ്ദേഹം ഡല്‍ഹിയിലേക്ക് തിരിച്ചുപോകും.
