കഴിഞ്ഞ ദിവസമാണ് ശാരീരിക അസ്വാസ്ഥ്യത്തെതുടര്ന്ന് നടന് വിക്രമിനെ ആശുപത്രിയില് പ്രവേശിപ്പിച്ചത്. വാര്ത്ത പുറത്തുവന്നതിനുപിന്നാലെ വിക്രമിന്റെ ആരാധകരും സിനിമാ-രാഷ്ട്രീയ മേഖലയില്നിന്നുളളവരുമെല്ലാം അദ്ദേഹത്തിന് പ്രാര്ത്ഥനകളറിയിച്ച് രംഗത്തെത്തുകയും ചെയ്തിരുന്നു. ഇപ്പോഴിതാ ചിയാന് വിക്രം ആരാധകരുടെ പ്രാര്ത്ഥനകള്ക്കും സ്നേഹത്തിനും നന്ദി പറയുന്ന വീഡിയോ വൈറലാവുകയാണ്. 'ചിയാന് ഈസ് ബാക്ക്' എന്ന തലക്കെട്ടോടെ തമിഴ് ഓണ്ലൈന് മാധ്യമങ്ങളും വിക്രം ആരാധകരും വീഡിയോ സമൂഹമാധ്യമങ്ങളില് പങ്കുവെയ്ക്കുന്നുണ്ട്. വീഡിയോയില് 'നിങ്ങളുടെ സ്നേഹവും വാത്സല്യവും കാണുമ്പോള് ഒരുപാട് സന്തോഷമുണ്ട്. എന്നോടൊപ്പം എല്ലായ്പ്പോഴും നിന്നതിന് നന്ദി' എന്നാണ് വിക്രം പറയുന്നത്. വളരെക്കാലം മുന്പ് പുറത്തുവന്ന വീഡിയോയാണ് ആരാധകര് ഇപ്പോള് വീണ്ടും വൈറലാക്കിയിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജൂലൈ എട്ടിനാണ് നെഞ്ചുവേദനയെത്തുടര്ന്ന് വിക്രമിനെ ചെന്നൈ കാവേരി ആശുപത്രിയില് പ്രവേശിപ്പിച്ചത്. ഹൃദയാഘാതമാണ് സംഭവിച്ചതെന്ന തരത്തില് അഭ്യൂഹങ്ങളുണ്ടായിരുന്നു. എന്നാല് വിക്രമിന് ഹൃദയാഘാതമല്ലെന്നും നെഞ്ചില് ചെറിയ അസ്വസ്ഥത അനുഭവപ്പെട്ടതിനെത്തുടര്ന്നാണ് ആശുപത്രിയിലെത്തിച്ചതെന്നും വ്യക്തമാക്കി വിക്രമിച്ച മകന് ധ്രുവ് വിക്രമും ആശുപത്രി അധികൃതരും രംഗത്തെത്തി. 'ഹൃദയാഘാതമല്ല. അപ്പയ്ക്ക് നെഞ്ചില് ചെറിയ അസ്വസ്ഥതയുണ്ടായതിനെത്തുടര്ന്നാണ് ആശുപത്രിയില് പ്രവേശിപ്പിച്ചത്. വ്യാജ വാര്ത്തകളില് വേദനയുണ്ട്. അദ്ദേഹത്തിനും കുടുംബത്തിനും ഈ അവസരത്തില് സ്വകാര്യത നല്കണം. ചിയാന് ഇപ്പോള് സുഖമായിരിക്കുന്നു'-എന്നാണ് ധ്രുവ് ഇന്സ്റ്റഗ്രാമില് കുറിച്ചത്.