LIVE

ഐ ഫോണിന് ഏറ്റവും വലിയ വില കൊടുക്കേണ്ടി വരുന്നത് ഇന്ത്യക്കാരല്ല!

Watch

ലുലു മാളിനെ വിവാദ കേന്ദ്രമാക്കാന്‍ അനുവദിക്കില്ല- യോഗി ആദിത്യനാഥ്

ലക്‌നൗ: ഉത്തര്‍പ്രദേശില്‍ അടുത്തിടെ പ്രവര്‍ത്തനമാരംഭിച്ച പ്രവാസി വ്യവസായി എം എ യൂസഫലിയുടെ ലുലു മാളിനെ വിവാദ കേന്ദ്രമാക്കാനുളള നീക്കങ്ങള്‍ക്കെതിരെ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് രംഗത്ത്. ലുലു മാളിനെ വിവാദ കേന്ദ്രമാക്കാന്‍ അനുവദിക്കില്ലെന്നും പ്രശ്‌നങ്ങളുണ്ടാക്കുന്നവര്‍ക്കെതിരെ കര്‍ശന നടപടിയെടുക്കുമെന്നും യോഗി ആദിത്യനാഥ് പറഞ്ഞു. പൊതുജനങ്ങളുടെ സഞ്ചാര സ്വാതന്ത്ര്യം ഇല്ലാതാക്കുന്ന തരത്തിലുളള പ്രതിഷേധങ്ങള്‍ സംസ്ഥാനത്ത് അനുവദിക്കില്ലെന്ന് പറഞ്ഞ മുഖ്യമന്ത്രി, നിര്‍ദേശങ്ങള്‍ ലംഘിക്കുന്നവര്‍ക്കെതിരെ ക്രിമിനല്‍ നടപടികളെടുക്കുന്നുണ്ടെന്ന് ഉറപ്പാക്കണമെന്ന് ജില്ലാ ഭരണകൂടത്തിന് നിര്‍ദേശം നല്‍കുകയും ചെയ്തു. 

'സംസ്ഥാനത്ത് മതസ്പര്‍ദ്ധ വളര്‍ത്താനും ക്രമസമാധാനനില തകര്‍ക്കാനും ശ്രമമുണ്ടായാല്‍ കര്‍ശന നടപടി സ്വീകരിക്കണം. ലുലു മാളിനെ രാഷ്ട്രീയ വൈര്യത്തിന്റെ കേന്ദ്രമാക്കാനുളള ശ്രമം നടക്കുന്നുണ്ട്. ലുലു മാളിന്റെ പ്രവര്‍ത്തനത്തിനാവശ്യമായ എല്ലാ സുരക്ഷയും ഒരുക്കണം. ലക്‌നൗ ജില്ലാ ഭരണകൂടം വിഷയത്തെ ഗൗരവമായി കാണണം'- യോഗി ആദിത്യനാഥ് പറഞ്ഞു. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

അതേസമയം, ലുലു മാളിലെ ജീവനക്കാരില്‍ 80 ശതമാനവും മുസ്ലീങ്ങളാണെന്നുളള ഹിന്ദുമഹാസഭയുടെ ആരോപണത്തില്‍ വിശദീകരണവുമായി ലുലു മാള്‍ രംഗത്തെത്തി. തങ്ങളുടെ ജീവനക്കാരില്‍ 80 ശതമാനവും ഹിന്ദുക്കളാണ് എന്നും മാള്‍ പൂര്‍ണ്ണമായും പ്രോഫഷണലായ സ്ഥാപനമാണെന്നും മാള്‍ അധികൃതര്‍ വ്യക്തമാക്കി. മാളില്‍ യാതൊരു വിധ വിവേചനവുമില്ലെന്നും ജാതിയുടെയും മതത്തിന്റെയും അടിസ്ഥാനത്തിലല്ല, കഴിവ് നോക്കിയാണ് ജീവനക്കാരെ തെരഞ്ഞെടുക്കുന്നതെന്നും അവര്‍ കൂട്ടിച്ചേര്‍ത്തു. ജൂലൈ പത്തിനാണ് മുഖ്യമന്ത്രി യോഗി ആദിത്യനാഥ് യുപിയിലെ ലുലു മാള്‍ ഉദ്ഘാടനം ചെയ്തത്.

Contact the author

National Desk

Recent Posts

National Desk 2 weeks ago
National

ലക്‌നൗ മുന്‍ വി സി ജാമ്യം നിന്നു; സിദ്ദിഖ് കാപ്പന്റെ ജാമ്യനടപടികള്‍ പൂര്‍ത്തിയായി

More
More
National Desk 2 weeks ago
National

ചീറ്റകള്‍ക്ക് ആഹാരമായി മാനുകളെ കൊണ്ടുവന്നുവെന്ന വാര്‍ത്ത വ്യാജം; വിശദീകരണവുമായി മധ്യപ്രദേശ് സര്‍ക്കാര്‍

More
More
National Desk 2 weeks ago
National

പാര്‍ട്ടി പറഞ്ഞാല്‍ പ്രസിഡന്റാകുമെന്ന് അശോക്‌ ഗെഹ്ലോട്ട് ; മുഖ്യമന്ത്രി സ്ഥാനം ഒഴിയുന്നതില്‍ വിമുഖനെന്നും റിപ്പോര്‍ട്ട്‌

More
More
National Desk 2 weeks ago
National

റോഡ് നന്നാക്കണം; ചെളിവെളളത്തില്‍ കുളിച്ച് പ്രതിഷേധിച്ച് കോണ്‍ഗ്രസ് എം എല്‍ എ

More
More
National Desk 2 years ago
National

പശു വിരണ്ടോടിയതിനെ തുടര്‍ന്ന് ഗോമാതാവിനെ നിയമസഭയിലെത്തിച്ച ബിജെപി എം എല്‍ എയുടെ സമരം പാളി

More
More
National Desk 2 years ago
National

ബിജെപി മതത്തിനപ്പുറത്തേക്ക് നോക്കാന്‍ പഠിക്കണം - ശശി തരൂര്‍

More
More