പാലക്കാട്: മണ്ണാര്ക്കാട് സ്കൂള് വിദ്യാര്ത്ഥികള്ക്ക് നേരെ സദാചാര ആക്രമണം. ബസ് സ്റ്റോപ്പില് ആണ്കുട്ടികളും പെണ്കുട്ടികളും ഒരുമിച്ചിരുന്നതിനാണ് ഹൈസ്കൂള് വിദ്യാര്ത്ഥികള്ക്ക് നേരെ സദാചാര ആക്രമണമുണ്ടായത്. മണ്ണാര്ക്കാട് കരിമ്പ ഹയര് സെക്കന്ഡറി സ്കൂളിലെ വിദ്യാര്ത്ഥികള്ക്കാണ് നാട്ടുകാര് എന്ന് സംശയിക്കുന്ന ഒരു വിഭാഗം ആളുകളിൽ നിന്നും ക്രൂരമായി മർദ്ദനമേറ്റത്. ആണ്കുട്ടികളെ മര്ദ്ദിച്ച അക്രമിസംഘം പെണ്കുട്ടികൾക്ക് നേരെ കൈയ്യേറ്റ ശ്രമവും അസഭ്യവര്ഷവും നടത്തിയെന്നും പരാതിയില് പറയുന്നു. പരിക്കേറ്റ വിദ്യാര്ത്ഥികൾ മണ്ണാര്ക്കാട് താലൂക്ക് ആശുപത്രിയിൽ ചികിത്സ തേടി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
വിദ്യാര്ത്ഥികളെ ആക്രമിച്ച ഒരാളെ പൊലീസ് അറസ്റ്റ് ചെയ്തു. സി സി ടി വി ദൃശ്യങ്ങള് പരിശോധിച്ച ശേഷമാണ് പൊലീസ് ഇയാളെ അറസ്റ്റ് ചെയ്തത്. സംഭവത്തില് കൂടുതല് അറസ്റ്റ് ഉണ്ടാകുമെന്ന് പൊലീസ് പറഞ്ഞു. അതേസമയം, പരാതി നല്കിയിട്ടും കേസ് എടുക്കാന് പൊലീസ് തയ്യാറായില്ലെന്ന് വിദ്യാര്ത്ഥികള് പറഞ്ഞു. മർദ്ദനത്തിൽ പരിക്കേറ്റ് ആശുപത്രിയിൽ ചികിത്സ തേടിയതോടെ മാത്രമാണ് പൊലീസ് കേസെടുത്തത്. ഇതിന് മുന്പും സമാനമായ സംഭവമുണ്ടായിട്ടുണ്ടെന്നും അധ്യാപകന് നോക്കി നില്ക്കെയാണ് തങ്ങളെ നാട്ടുകാര് മര്ദ്ദിച്ചതെന്നും വിദ്യാര്ത്ഥികള് മാധ്യമങ്ങളോട് പറഞ്ഞു.