തിരുവനന്തപുരം: മുഖ്യമന്ത്രി പിണറായി വിജയനെതിരെ രൂക്ഷ വിമര്‍ശനവുമായി കെ പി സി സി പ്രസിഡന്റ് കെ സുധാകരന്‍. നാട് കണ്ട ഏറ്റവും വലിയ കളളനും കൊളളക്കാരനുമാണ് പിണറായി വിജയനെന്ന് കെ സുധാകരന്‍ പറഞ്ഞു. മുഖ്യമന്ത്രിക്കെതിരെ കരിങ്കൊടി കാണിച്ച് പ്രതിഷേധിച്ച യൂത്ത് കോണ്‍ഗ്രസ് പ്രവര്‍ത്തകരെ അദ്ദേഹം അഭിനന്ദിക്കുകയും ചെയ്തു.
'പിണറായി വിജയന്‍, എത്ര കോട്ടകള്‍ കെട്ടി നിങ്ങള്‍ ഒളിച്ചിരുന്നാലും, ഭയന്നോടിയാലും, ഈ നാടിന്റെ പ്രതിഷേധവുമായി കോണ്‍ഗ്രസ് പിന്നിലുണ്ടാകും. കാരണം നിങ്ങളീ നാടുകണ്ട ഏറ്റവും വലിയ കളളനാണ്, കൊളളക്കാരനാണ്. രാജ്യദ്രോഹ കുറ്റാരോപണം നേരിടുന്ന മുഖ്യമന്ത്രിയാണ്. ആകാശത്തും മണ്ണിലും അഴിമതി വീരന്‍ മുഖ്യമന്ത്രിയെ പ്രതിഷേധത്തിന്റെ ചൂടറിയിച്ച് നിരന്തരം ഭയപ്പെടുത്തുന്ന സമര ഭടന്മാര്‍ക്ക് അഭിവാദ്യങ്ങള്‍'-എന്നാണ് കെ സുധാകരന്‍ ഫേസ്ബുക്കില്‍ കുറിച്ചത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, മുഖ്യമന്ത്രിയുടെ കൊച്ചി യാത്രക്കിടെ യൂത്ത് കോണ്‍ഗ്രസുകാര്‍ പ്രതിഷേധിച്ച സംഭവത്തില്‍ പൊലീസ് നടപടിയെടുത്തു. മുഖ്യമന്ത്രിയുടെ സുരക്ഷാ ചുമതലയുണ്ടായിരുന്ന എളമക്കര സ്‌റ്റേഷന്‍ എസ് എച്ച് ഒ ജി. സാബുവിനെ സ്ഥലംമാറ്റി. സംസ്ഥാന പൊലീസ് മേധാവി അനില്‍കാന്താണ് എസ് എച്ച് ഒയെ സ്ഥലംമാറ്റിയുളള ഉത്തരവിട്ടത്. എന്നാല്‍ സ്ഥലംമാറ്റം ഉത്തരവില്‍ സുരക്ഷാ വീഴ്ച്ചയല്ല, സാധാരണ നിലയിലുണ്ടാവുന്ന സ്ഥലംമാറ്റമാണ് എന്നാണ് പറയുന്നത്.
