ഡല്ഹി: ലോക്സഭയില് വിലക്കയറ്റത്തിനെതിരെ വേറിട്ട പ്രതിഷേധവുമായി തൃണമൂല് കോണ്ഗ്രസ് എംപി. പച്ച വഴുതന കടിച്ചായിരുന്നു വര്ധിച്ചുവരുന്ന പാചകവാതക വിലയ്ക്കും അവശ്യസാധനങ്ങളുടെ വില വര്ധനവിനുമെതിരായ പ്രതിഷേധം. പശ്ചിബംഗാളിലെ ബരാസത്തില്നിന്നുളള എംപി കക്കോലി ഘോഷ് ദസ്തിദാറാണ് ലോക്സഭയില് വേറിട്ട പ്രതിഷേധം നടത്തിയത്.
'കഴിഞ്ഞ കുറച്ചുമാസങ്ങള്ക്കിടെ പാചക വാതക വില നാലുമടങ്ങാണ് വര്ധിച്ചത്. 600-ല് നിന്ന് അതിപ്പോള് 1100-ലെത്തി നില്ക്കുകയാണ്. സാധാരണക്കാര് എങ്ങനെയാണ് ഈ തുക കണ്ടെത്തുക? ഞങ്ങള് പച്ചക്കറികള് പച്ചയ്ക്കുതന്നെ കഴിക്കണമെന്നാണോ സര്ക്കാര് ആഗ്രഹിക്കുന്നത് എന്ന് ഞാന് ആശ്ചര്യപ്പെടുകയാണ്'- കക്കോലി ഘോഷ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പാചക വാതക വിലവര്ധന പിന്വലിക്കണമെന്നാവശ്യപ്പെട്ട കക്കോലി കയ്യില് കരുതിയ വഴുതന കടിച്ചുകൊണ്ടാണ് പ്രതിഷേധം രേഖപ്പെടുത്തിയത്. 'ഉജ്ജ്വല പദ്ധതി വഴി സിലിണ്ടര് ലഭിച്ച ജനങ്ങള്ക്ക് പക്ഷേ അതില് പാചക വാതകം നിറയ്ക്കാന് പണമില്ല. ബിജെപി പ്രതിപക്ഷത്തായിരുന്നപ്പോള് വിലക്കയറ്റത്തിനെതിരെ എല്പിജി സിലിണ്ടറുമായി പ്രതിഷേധിച്ച മന്ത്രി ഇപ്പോള് അഭിപ്രായം പറഞ്ഞാല് നന്നായിരിക്കും'- കക്കോലി ഘോഷ് കൂട്ടിച്ചേര്ത്തു.
വിലക്കയറ്റത്തെക്കുറിച്ച് ചര്ച്ച ചെയ്യാന് സമയം അനുവദിച്ച സ്പീക്കര്ക്ക് അവര് നന്ദി പറഞ്ഞു. ഏറെക്കാലത്തിനുശേഷമാണ് വിലക്കയറ്റം സഭയില് ചര്ച്ച ചെയ്യാന് അവസരം ലഭിക്കുന്നതെന്നും അവര് കൂട്ടിച്ചേര്ത്തു.
