ലോകത്തിലെ ഏറ്റവും വലിയ ആസിഡ് തടാകം സ്ഥിതി ചെയ്യുന്നത് ഇന്തോനേഷ്യയിലാണ്. ഈസ്റ്റ് ജാവയിലെ ബാൻയുവാംഗി റീജൻസിയുടെയും ബോണ്ടോവോസോ റീജൻസിയുടെയും അതിർത്തിയിലുള്ള ഇജെന് പീഠഭൂമിയിലാണ് സാഹസിക സഞ്ചാരികളെ ആകര്ഷിക്കുന്ന ഈ തടാകമുള്ളത്. ഈ പ്രദേശം ഒരു അഗ്നിപര്വ്വത പ്രദേശമാണ്. ഈ തടാകത്തില് നിന്നും ഉയരുന്ന നീലജ്വാലകളാണ് ഇവിടുത്തെ പ്രധാനാകര്ഷണം. 600°C വരെ ഊഷ്മാവിൽ, വിള്ളലുകളിൽനിന്ന് പുറത്തേക്കു വരുന്ന സൾഫ്യൂറിക് വാതകമാണ് നീലജ്വാലയായി കാണപ്പെടുന്നത്. പ്രകൃതിദത്തമായി രൂപപ്പെട്ട ഈ തടാകം കാണാന് നിരവധിയാളുകളാണ് ദിനം പ്രതി ഈ പ്രദേശത്തേക്ക് എത്തുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഈ പ്രദേശത്തെ 'അപി ബിരു’ എന്നാണ് പ്രദേശവാസികൾ വിളിക്കുന്നത്. ഇജെനിലെ അഗ്നിപര്വത ഭൂമിയില് ഒരു കിലോമീറ്ററോളം വീതിയിലാണ് തടാകം കാണാന് സാധിക്കുക. രാസവസ്തുക്കളുടെ രാജാവെന്നു വിളിക്കുന്ന സള്ഫ്യൂരിക് ആസിഡ് ആണ് ഈ തടാകത്തില് നിറഞ്ഞിരിക്കുന്നത്. ബന്യുപാഹിത് നദിയുടെ ഉറവിടം കൂടിയാണിത്. 2016 -ല് ഈ തടാകം യുനെസ്കോ ബയോസ്ഫിയര് റിസര്വായി പ്രഖ്യാപിച്ചിരുന്നു. പകല് സൂര്യപ്രകാശമേറ്റ് നീലപ്പച്ചയും നിറമാണ് തടാകം.
