ഇടുക്കി: സ്വാതന്ത്ര്യദിനത്തില്‍ എല്ലാ വീടുകളിലും ദേശീയ പതാക ഉയര്‍ത്താനുള്ള 'ഹര്‍ ഘര്‍ തിരംഗ' ക്യാമ്പയിനു വേണ്ടി ഇടുക്കിയില്‍ തയ്യാറാക്കിയ പതാകയില്‍ ക്രമക്കേട്. അളവിലും അശോക ചക്രത്തിലും മാനദണ്ഡം പാലിക്കാത്തതിനാല്‍ ജില്ലയില്‍ ഒരുലക്ഷത്തിലേറെ ദേശീയ പതാകകള്‍ പാഴായി. 30 ലക്ഷം രൂപ മുടക്കിയാണ് ജില്ലയില്‍ പദ്ധതി നടപ്പാക്കുന്നത്. ക്യാമ്പയ്ന്‍റെ ഭാഗമായി ജില്ലാ കലക്ടര്‍ കഴിഞ്ഞ ദിവസം പതാകകളുടെ വിതരണോദ്ഘാടനം നടത്തിയിരുന്നു. ഇതിനുപിന്നാലെയാണ് ദേശിയ പതാകയിലെ ക്രമക്കേട് കണ്ടെത്തിയത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കുടുംബശ്രീയെയാണ് പതാക നിര്‍മ്മാണം ഏല്‍പ്പിച്ചത്. എന്നാല്‍ കുടുംബശ്രീ ബംഗ്ലൂരുവിലുള്ള രണ്ട്‌ കമ്പനിക്ക് കാരാര്‍ മറിച്ചുകൊടുത്തുവെന്നാണ് ആക്ഷേപം. കാരാര്‍ ലഭിച്ച കുടുബശ്രീ യൂണിറ്റുകള്‍ സ്വന്തമായി ദേശീയ പതാകകള്‍ നിര്‍മിക്കുന്നതിന് പകരം കേരളത്തിന് പുറത്ത് ബെംഗളൂരു ആസ്ഥാനമായുള്ള രണ്ടു കമ്പനികളെ ചുമതല ഏല്‍പ്പിച്ചു. ഇവര്‍ തയാറാക്കിയ പതാകകളാണ് ഉപയോഗശൂന്യമായത്. ഒരു ദേശീയ പതാക നിര്‍മിക്കാന്‍ 28 രൂപയാണ് സംസ്ഥാന സര്‍ക്കാര്‍ നിശ്ചയിച്ചത്. ഇതിനെതിരെ സാമൂഹിക മാധ്യമങ്ങളിലടക്കം അടുത്ത വിമര്‍ശനമാണ് ഉയര്‍ന്നുവന്നത്. കുടുംബശ്രീയുടെ ജില്ലാ കോര്‍ഡിനേറ്റര്‍ ഉള്‍പ്പെടെയുള്ള ആളുകള്‍ക്കെതിരേ സര്‍ക്കാര്‍ കര്‍ശനമായ നടപടിയെടുക്കണമെന്നാണ് ആവശ്യം.
