കൊച്ചി: നടി ആക്രമിക്കപ്പെട്ട കേസില് ഹര്ജി പരിഗണിക്കുന്നതില് നിന്നും ജഡ്ജി പിന്മാറി. വിചാരണ കോടതി ജഡ്ജിയെ മാറ്റണമെന്നാവശ്യപ്പെട്ട് അതിജീവിത ഹൈക്കോടതിയില് സമര്പ്പിച്ച ഹര്ജി പരിഗണിക്കുന്നതില് നിന്നുമാണ് ജസ്റ്റിസ് കൗസര് എടപ്പഗത്ത് പിന്മാറിയത്. മറ്റൊരു ബെഞ്ച് നാളെ വാദം കേള്ക്കും. ജഡ്ജിയെ മാറ്റണമെന്ന ഹര്ജി കേള്ക്കുന്നതില് നിന്നും ജസറ്റിസ് കൗസര് എടപ്പഗത്ത് പിന്മാറണമെന്ന് അതിജീവിത ആവശ്യപ്പെട്ടിരുന്നു. ഈ സാഹചര്യത്തിലാണ് സ്വമേധയായുള്ള പിന്മാറ്റം.
ഇതിനുമുന്പും നടിയെ ആക്രമിച്ച കേസിന്റെ ഹര്ജി പരിഗണിക്കുന്നതില് നിന്നും കൗസര് എടപ്പഗത്ത് പിന്മാറിയിരുന്നു. വിചാരണകോടതിയില് നിന്ന് ദൃശ്യങ്ങള് ചോര്ന്ന സംഭവത്തില് അന്വേഷണം നടത്തണമെന്നും മെമ്മറി കാര്ഡിലെ കൃത്രിമത്വം വിചാരണക്കോടതി ജഡ്ജി മൂടിവെയ്ക്കാന് ശ്രമിച്ചെന്നും അതിജീവിത ഹൈക്കോടതിയില് സമര്പ്പിച്ച ഹര്ജിയില് ആരോപിച്ചിരുന്നു. ഇതിനുപിന്നാലെ കേസ് പരിഗണിക്കുന്നതില് നിന്നും പിന്മാറുകയാണെന്ന് ജസ്റ്റിസ് കൗസര് എടപ്പഗത്ത് അറിയിക്കുകയായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, കേസ് അട്ടിമറിക്കാന് ശ്രമം നടക്കുന്നുണ്ടെന്ന അതിജീവിതയുടെ ഹര്ജിയില് മറ്റൊരു ബെഞ്ച് വാദം കേള്ക്കുകയാണ്. അന്വേഷണസംഘം അതിജീവിതക്ക് വിവരങ്ങള് ചോര്ത്തി നല്കുന്നുണ്ടോയെന്ന് ഇതിനുമുന്പ് ഈ കേസ് പരിഗണിച്ചപ്പോള് കോടതി ചോദിച്ചിരുന്നു. വിചാരണ കോടതിക്കെതിരെ അടിസ്ഥാനമില്ലാതെ ആരോപണം ഉന്നയിച്ചാൽ കടുത്ത നടപടി സ്വീകരിക്കുമെന്നും ഹൈക്കോടതി അതിജീവിതയ്ക്ക് താക്കീത് നൽകിയിരുന്നു.